თეირანსა და მოსკოვს მსგავსი მიდგომები აქვთ ყარაბაღის კონფლიქტის მიმართ. ამის შესახებ ირანის ისლამური რესპუბლიკის საგარეო საქმეთა მინისტრის მოადგილემ აბას არაქჩიმ რუსეთთან მოლაპარაკებების შემდეგ განაცხადა.
”დღეს მოსკოვში პროდუქტიული შეხვედრის დროს მე ვუთხარი რუსეთის საგარეო საქმეთა მინისტრის მოადგილეს ანდრეი რუდენკოს ირანული ინიციატივის შესახებ. ირანსა და რუსეთს მსგავსი მიდგომები აქვთ მთიანი ყარაბაღის კონფლიქტის მიმართ. თანაბრად წარმატებული მოლაპარაკებები მქონდა რუსეთის საგარეო საქმეთა მინისტრის მოადგილეს სერგეი რიაბკოვთან ყოვლისმომცველი ერთობლივი სამოქმედო გეგმის მომავალთან დაკავშირებით”, – წერს არაკჩი თავის ტვიტერის გვერდზე.
გუშინ ირანის საგარეო საქმეთა მინისტრის მოადგილე ეწვია ბაქოს, როგორც ყარაბაღის მოგვარების საკითხში ირანის პრეზიდენტის სპეციალური წარმომადგენელი და მოსკოვთან ერთად აპირებს ერევნისა და ანკარის მონახულებას.
არაქჩის ვიზიტების ძირითადი მიზანია დაინტერესებული მხარეების ინფორმირება რეგიონალური ძალების მონაწილეობით ყარაბაღის კონფლიქტის მოგვარების ირანული ინიციატივის შესახებ.
