სომხეთის რესპუბლიკის პრემიერ-მინისტრის მთავარი მრჩეველი, სომხეთის რესპუბლიკის თავდაცვის ყოფილმა მინისტრმა ვაღარშაკ ჰარუთიანიანმა, სომხეთის საზოგადოებრივ ტელევიზიაში რუსეთის პრეზიდენტ ვლადიმერ პუტინისადმი ნიკოლ ფაშინიანის წერილთან დაკავშირებით კომენტარის გაკეთებისას აღნიშნა, რომ კონსულტაციები მალე დაიწყება და მიიღება სწრაფი გადაწყვეტილებები.
”რუსეთი ასევე აფასებს სიტუაციას, როგორც საფრთხეს არა მხოლოდ სომხეთის, არამედ რუსეთისთვის. კონფლიქტები მის საზღვართან საფრთხეს წარმოადგენს რუსეთისთვის. ”როდესაც რუსეთმა სირიის პრეზიდენტის მიწვევა სირიაში შესვლის შესახებ გადაწყვიტა, მთავარი მიზეზი იყო ის, რომ ტერორისტები არ უნდა ჩამოვიდნენ რუსეთში და დსთ-ს ქვეყნებში”, – თქვა ჰარუთიუნიანმა.
მან ხაზი გაუსვა, რომ ეს ცხადყოფს, რომ რუსეთმა სწორად შეაფასა სიტუაცია იმ დროს, სირიაში ტერორისტები განადგურდნენ. ჰარუთიუნიანმა შეახსენა, რომ როდესაც რუსეთი სირიაში შევიდა, ტერიტორიის დაახლოებით ოთხმოცი პროცენტი კონტროლდებოდა ტერორისტების მიერ. ახლა კი ტერორისტები მთიან ყარაბაღში იმყოფებიან.
ჰარუთიუნიანმა ხაზი გაუსვა, რომ რუსეთის პრეზიდენტი ვლადიმერ პუტინი და პრემიერ-მინისტრი ნიკოლ ფაშინიანი მუდმივ კონტაქტში არიან, განიხილავენ უსაფრთხოების საკითხებს.
”თქვენ იცით, რომ დღეს რუსული ჯარი დგას ყარაბაღ-სომხეთის საზღვარზე, სოფელ ტეღში, აგრეთვე გამაგრებულია მეღრიში. შეთანხმება ძალაშია, და მოქმედია. რჩება მხოლოდ რუსეთთან საფრთხეების შეფასება და იმის გადაწყვეტა, თუ როგორ უნდა მოხდეს ამის პრევენცია”, – თქვა მან.
შეგახსენებთ, რომ სომხეთის საგარეო საქმეთა სამინისტრომ დღეს განაცხადა, რომ 31 ოქტომბერს სომხეთის პრემიერ-მინისტრმა ნიკოლ ფაშინიანმა წერილი გაუგზავნა რუსეთის პრეზიდენტს ვლადიმერ პუტინს. ”იმის გათვალისწინებით, რომ საომარი მოქმედებები სომხეთის საზღვარს უახლოვდება, სომხეთის ტერიტორიაზე განხორციელებული თავდასხმების ფაქტები უკვე მოხდა, ფაშინიანმა თხოვნით მიმართა პუტინს დაუყოვნებლივი კონსულტაციების დაწყების შესახებ, იმის დასადგენად, თუ რა რაოდენობის დახმარება შეუძლია რუსეთს სომხეთისთვის მისი უსაფრთხოების უზრუნველსაყოფად, სომხეთსა და რუსეთს შორის სამოკავშირეო ურთიერთობების და 1997 წ. 29 აგვისტოს ”მეგობრობის, თანამშრომლობისა და ურთიერთდახმარების შესახებ” ხელშეკრულების მე -2 მუხლის მხედველობაში მიღებით“, – ნათქვამია განცხადებაში.
რუსეთის საგარეო საქმეთა სამინისტრომ ნიკოლ ფაშინიანის წერილს უპასუხა და აღნიშნა, რომ სომხეთსა და რუსეთს შორის გაფორმებული ხელშეკრულების თანახმად, რუსეთი საჭირო დახმარებას გაუწევს, თუ სამხედრო შეტაკებები გადავა უშუალოდ სომხეთის ტერიტორიაზე.
