სომეხი სამხედრო მოსამსახურეების 29 სხეული, რომლებიც სომხურ მხარეს გადაეცა დასახიჩრებული იყო. ამის შესახებ „სპუტნიკ არმენია“-სათვის მიცემულ ინტერვიუში განაცხადა სომხეთის საგამოძიებო კომიტეტის კრიმინოლოგიის დეპარტამენტის ხელმძღვანელმა რაფაელ ვარდანიანმა.
”ჩვენ მხოლოდ წინასწარი ექსპერტიზის მონაცემები გვაქვს, დანიშნულია სასამართლო სამედიცინო ექსპერტიზა. გვამებს ამპუტირებული ჰქონდათ სხეულის ნაწილები“,- თქვა მან.
საგამოძიებო ორგანოს წარმომადგენელი გვპირდება ოფიციალურად გამოაცხადოს დასახიჩრების მიზეზი, არის თუ არა ამპუტაცია დასახიჩრების ან წამების შედეგი. ამის გარკვევა შესაძლებელია მხოლოდ სასამართლო-სამედიცინო ექსპერტიზის დასკვნის მიღების შემდეგ.
ვარდანიანმა თქვა, რომ ამჟამად სომხეთში გადმოტანილი 29 სამხედრო მოსამსახურის მხოლოდ 4 გვამი ამოცნობილია მათი ნათესავების მიერ. ეს პროცესი კვლავ გრძელდება.
