8 ნოემბრის მონაცემებით ინტენსიური ბრძოლები გაგრძელდა ფრონტის ხაზის ყველა მიმართულებით. ინფორმაციას ავრცელებს სომხეთის თავდაცვის სამინისტროს სპიკერი შუშან სტეპანიანი ოფიციალურ Facebook გვერდზე.
მისივე თქმით, უფრო დაძაბული ქმედებები წარიმართა სამხრეთ-აღმოსავლეთ ნაწილში შუშის მახლობლად. თავდაცვის არმიის ნაწილებმა დარტყმა მიაყენეს მტერს. სომეხმა სამხედროებმა მოახერხეს მოეგერიებინათ მოწინააღმდეგის წინსვლის უამრავი მცდელობა.
”სხვადასხვა მიმართულებით ბრძოლების დროს განადგურდა მტრის ჯარის დიდი რაოდენობა, 4 ტანკი, 20 ერთეული სხვა ჯავშანტექნიკა, 11 ერთეული მანქანა, 2 უმა. საომარი მოქმედებების პარალელურად, მტერმა სარაკეტო სისტემებით დაბომბა დედაქალაქი სტეპანაკერტი და შუში. დაზიანდა სამოქალაქო ინფრასტრუქტურა”, – ნათქვამია ცნობაში.
სომხეთის თავდაცვის სამინისტროს სპიკერის ინფორმაციით, გამთენიისას ფრონტის ხაზის სამხრეთ-აღმოსავლეთ, ჩრდილო-აღმოსავლეთ ნაწილებში შეინიშნებოდა მტრის ტექნიკისა და ცოცხალი ძალის დაგროვება.
სომხური მხარე აკონტროლებს ოპერატიულ-ტაქტიკურ სიტუაციას. სათანადო ნაბიჯები ხორციელდება ხანძრის ლიკვიდირებისათვის.
