,,Armradio.am” წერს, რომ სომხეთის რესპუბლიკის პრეზიდენტმა არმენ სარგსიანმა მიულოცა შეერთებული შტატების 46-ე პრეზიდენტად არჩეულ ჯო ბაიდენს .
”გულთბილად გილოცავთ შეერთებული შტატების 46-ე პრეზიდენტად ისტორიული არჩევის დღეს. თქვენი ყველაზე გულწრფელი მიზანი – ქვეყნის ერთიანობისა და სტაბილურობის უზრუნველყოფა – შესანიშნავი მაგალითი იქნება მთელი მსოფლიოსთვის. “ღმერთმა დაგლოცოთ თქვენ, თქვენი ოჯახი და ჩვენი ორი ხალხი”, – ნათქვამია მისალოც წერილში.
პრეზიდენტმა სარგსიანმა ასევე მიულოცა არჩეულ ვიცე-პრეზიდენტ კამალა ჰარისს, კერძოდ აღნიშნა: ”თქვენ შთააგონეთ არა მხოლოდ ამერიკელები, არამედ ყველა მთელ მსოფლიოში”. რესპუბლიკის პრეზიდენტმა გამოხატა რწმენა, რომ მომავალი ერთობლივი მუშაობის შედეგად შესაძლებელი იქნება სომხეთსა და შეერთებულ შტატებს შორის კავშირების კიდევ უფრო გაღრმავება.
