სომხური მხარისთვის მთიანი ყარაბაღის სტატუსის საკითხი ახალი ინტენსივობით და ახალი ძალებით უნდა დაისვას მოლაპარაკებების პროცესში. ამის შესახებ სომხეთის პრემიერ მინისტრმა ნიკოლ ფაშინიანმა განაცხადა თავის ონლაინ პრესკონფერენციაზე, რომელიც ეხებოდა კითხვას, თუ რა აზრი აქვს მას მოლაპარაკებებთან დაკავშირებით.
”ჩვენ უნდა გავაანალიზოთ, ჩამოვაყალიბოთ დღის წესრიგი, რომელიც დღეს გვაქვს შექმნილი ვითარების გარშემო, ჩვენ უნდა მოვემსახუროთ ამ დღის წესრიგს, განსაკუთრებით ყურადღება გავამახვილოთ მთიანი ყარაბაღის სტატუსის საკითხზე. ყველაზე მნიშვნელოვანი საკითხია ის, რომ მთიანი ყარაბაღის ხალხმა უნდა იცხოვროს მთიან ყარაბაღში. მთიანი ყარაბაღის სტატუსის საკითხი მოლაპარაკების პროცესის მთავარი საკითხი უნდა გახდეს, ისევე როგორც, არ უნდა დავივიწყოთ ჰუმანიტარული, კომუნიკაციური და სატრანსპორტო საკითხებიც“, -თქვა ფაშინიანმა.
