სომხეთის ადამიანის უფლებათა დამცველი საერთაშორისო საზოგადოებას თხოვს საერთაშორისო უფლებადამცველ ორგანიზაციებს ყურადღება მიაქციონ იმ ფაქტს, რომ აზერბაიჯანის ხელისუფლება ხელოვნურად აჭიანურებს სამხედრო ტყვეების დაბრუნების საკითხს. ამის შესახებ ადამიანის უფლებათა დამცველმა არმან თათოიანმა ფეისბუქის საკუთარ გვერდზე დაწერა.
”ამ მიზნით, აზერბაიჯანის ხელისუფლება, ერთის მხრივ, აცხადებს, რომ პატიმრების გაცვლა მოხდება ცხედრების გაცვლის პროცესის დასრულების შემდეგ, მეორეს მხრივ, თავად ცხედრების გაცვლის პროცესი გადაიდო დაუსაბუთებლად. ამ ყველაფრით აზერბაიჯანი უხეშად არღვევს ჟენევის კონვენციებით გარანტირებულ ძირითად მოთხოვნებს.
სომხეთის ომბუდსმენს ასევე აქვს საჭირო მტკიცებულებები ტყვეების წამებისა და არაადამიანური მოპყრობის ფაქტებზე. მათი რიცხვი და გავრცელება მნიშვნელოვნად გაიზარდა, ისევე როგორც სიმძიმის ხარისხი.
აშკარაა, რომ წამებისა და სისასტიკის ჩამდენი პირები ვიდეოკამერებით არიან აზერბაიჯანის შეიარაღებული ძალების წარმომადგენლები, რომელთა მოქმედებებს დადებითად ეკიდება აზერბაიჯანის ხელმძღვანელობა.
ამჟამინდელ პირობებში, პატიმართა გათავისუფლება, მათი უსაფრთხო დაბრუნების უზრუნველყოფა, ცხედრების გაცვლა გადაუდებელი საკითხი გახდა. ამიტომ, მე მივმართავ საერთაშორისო საზოგადოებას და განსაკუთრებით უცხო სტრუქტურებს, რომლებსაც აქვთ უფლებამოსილება დაიცვან ადამიანის უფლებები. ”აუცილებელია სასწრაფოდ გადაწყდეს ეს საკითხი მაქსიმალური შესაძლებლობებით და რეალური ნაბიჯებით, რათა ადამიანები გაათავისუფლონ არაადამიანური, სასტიკი ტყვეობიდან”, – წერს თათოიანი.
