მიმდინარეობს თურქეთ-რუსეთის სადამკვირვებლო ცენტრის მშენებლობა მთიან ყარაბაღში ვითარების მონიტორინგისთვის, განაცხადა თურქეთის ეროვნული თავდაცვის მინისტრმა ჰულუსი აკარმა, იუწყება TASS.
”ახლა მიმდინარეობს ერთობლივი ცენტრის მშენებლობა, [სამხედროები] მალე დაიწყებენ თავიანთი მოვალეობების შესრულებას. იქ იმსახურებენ თურქი და რუსი ოფიცრები, გენერალების ჩათვლით. ”ისინი ერთად იმუშავებენ მუდმივი ცეცხლის შეწყვეტისთვის”, – ანატოლიის სააგენტოს გადმოცემით, აღიშნა მან.
თურქეთის თავდაცვის სამინისტრომ გუშინ გამოაცხადა, რომ ანკარამ და მოსკოვმა ხელი მოაწერეს შეთანხმებას მთიან ყარაბაღში ცეცხლის შეწყვეტის ერთობლივი მონიტორინგის ცენტრის შექმნის შესახებ. რუსეთის თავდაცვის სამინისტროს ოფიციალურმა წარმომადგენელმა იგორ კონაშენკოვმა აღნიშნა, რომ ცენტრი “განთავსდება აზერბაიჯანის ტერიტორიაზე”, ხოლო “რუსული და თურქული პერსონალის რაოდენობა ერთობლივი ცენტრის ორგანიზაციულ სტრუქტურაში თანაბარი იქნება”.
