საგარეო საქმეთა მინისტრმა არა აივაზიანმა ეუთოს მინისტრთა საბჭოს 27-ე სხდომაზე სიტყვით გამოსვლისას განაცხადა, თუ რა უნდა გაკეთდეს ყარაბაღის კონფლიქტის მოგვარების და რეგიონში მდგრადი და ხანგრძლივი მშვიდობის დამყარების მიზნით. საგარეო საქმეთა სამინისტროს მიერ გავრცელებული შეტყობინების თანახმად, აივაზიანმა აღნიშნა 4 მიმართულება:
- არცახის სტატუსი ემყარება თვითგამორკვევის უფლების რეალიზაციას, არცახის მოსახლეობის უსაფრთხოებას;
- აზერბაიჯანის მიერ არცახის ტერიტორიების დეოკუპაცია;
- ამ ბოლო დროს გასახლებულების უსაფრთხო და ღირსეული დაბრუნება თავიანთ სახლებში;
- სომხური კულტურული და რელიგიური მემკვიდრეობის შენარჩუნება აზერბაიჯანის კონტროლის ქვეშ მყოფ ტერიტორიებზე.
„ ყველა ყველაზე”პრინციპით, სამხედრო ტყვეების და სხვა მძევლების დაუყოვნებელი, უპირობო გაცვლა და ნეშტების დაბრუნება უნდა განხორციელდეს ყოველგვარი შეფერხების გარეშე. 9 ნოემბრის სამმხრივი მემორანდუმით გათვალსიწინებული არ არის მთიანი ყარაბაღის კონფლიქტის საბოლოო პოლიტიკური მოგვარება. ”სამხრეთ კავკასიის რეგიონში მშვიდობის დამყარება შეუძლია მხოლოდ პოლიტიკურ მოლაპარაკებას, რომელიც პატივს სცემს ყველას უფლებებს”, – თქვა აივაზიანმა.
მისივე თქმით, ამ მიზნის მისაღწევად თურქეთმა უარი უნდა თქვას დესტაბილიზაციის პოლიტიკაზე და თავი შეიკავოს ნებისმიერი ქმედებისგან, რამაც შეიძლება დაძაბულობა გააძლიეროს. აივაზიანმა აღნიშნა, რომ დადებითად შეაფასა დღეს ეუთო-ს მინსკის ჯგუფის თანათავმჯდომარე ქვეყნების დელეგაციების ხელმძღვანელების მიერ გაკეთებული განცხადება, რომელიც “კიდევ ერთხელ აჩვენებს მათ ერთობას” და მოლაპარაკებების გზით კონფლიქტის მშვიდობიანი გზით მოგვარების გადაწყვეტილებას.
