არ უნდა დაგვავიწყდეს, რომ თურქი სამხედროები ასევე მონაწილეობდნენ ყარაბაღში საბრძოლო მოქმედებების პირდაპირ ხელმძღვანელობაში, რასაც აცხადებს აზერბაიჯანის შეიარაღებული ძალების გენერალური შტაბის უფროსი, რისთვისაც იგი გაათავისუფლეს დაკდავებული თანამდებობიდან. ასეთი მონაცემები ასევე მიიღება დასავლური წყაროებიდან. ამის შესახებ მოსკოვი-ერევნის ვიდეო ხიდის დროს განაცხადა რუსეთის სარაკეტო და საარტილერიო მეცნიერებათა აკადემიის ინფორმაციული პოლიტიკის საკითხებში ვიცე-პრეზიდენტმა, სამხედრო მეცნიერებათა დოქტორმა კონსტანტინე სივკოვმა.
მისივე თქმით, არასწორია საომარი მოქმედებების შედეგების შეფასება, შეიარაღებული ძალების საწყისი მდგომარეობის გათვალისწინების გარეშე. ”აზერბაიჯანმა ვერ გადაჭრა ომის წინ მის წინაშე დასმული ამოცანა – ყარაბაღის ტერიტორიის სრული კონტროლი. ასე რომ, არ ვფიქრობ, რომ ამ შემთხვევაში სომხურმა მხარემ წააგო. გაიმარჯვა. იმ პირობებში, სადაც ის აღმოჩნდა, მტრის ძალების უშვლებელი (ექვსჯერ) უპირატესობით, მსოფლიოში ვერანაირი ჯარი მეტს ვერ მიაღწევდა.
ძალთა ასეთ ბალანსში თავდაცვით ბრძოლებში მტრის დამარცხება, თუნდაც ტერიტორიის ნაწილის დაკარგვის ფასად, დიდი საქმეა. აზერბაიჯანის არმიის წინსვლა – დღეში 1 კმ – უმნიშვნელოა. დიდება და პატივი მებრძოლებს, რომლებიც მთიანი ყარაბაღის ტერიტორიაზე იბრძოდნენ. მე ვსაუბრობ სრულიად ნეიტრალურად და შემიძლია გავიმეორო ეს სიტყვები ნებისმიერი არმიისთვის, რომელიც აღმოჩნდებოდა იმავე სიტუაციაში”, – აღნიშნა ექსპერტმა.
ჟურნალ “არსენალ ოტეჩესტვას” მთავარი რედაქტორის ვიქტორ მურახოვსკის თქმით, მთიანი ყარაბაღის თავდაცვის სისტემა საკმარისად ეფექტურად არ არის აშენებული, და ამის გარდა, ვერ შეძლეს აზერბაიჯანის არმიის ოპერაციების თავიდან აცილება და პროგნოზირება, და მრავალი ასპექტი უკვე თავდაცვის ოპერაციის დროს რბილად რომ ითქვას, არ განხორციელდა. ”ამიტომ დავთანხმდები, რომ თავდაცვა განხორციელდა ძირითადად მთიანი ყარაბაღის ტერიტორიაზე ჯარისკაცებისა და ოფიცრების გმირული მოქმედებებით, რომლებიც თავიანთ მშობლიურ მიწას იცავდნენ”, – დასძინა მან.
