სომხეთის პრემიერ-მინისტრმა ნიკოლ ფაშინიანმა ეროვნულ კრებაში უპასუხა ფრაქცია “ნათელი სომხეთის” ლიდერის ედმონ მარუქიანის კითხვას და აღნიშნა, რომ მისი გადადგომის მომთხოვნი ძალები ცდილობენ ხალხი გამორიცხონ პოლიტიკური პროცესებიდან.
”რატომ არ გვთავაზობენ ის პოლიტიკური ძალები, ელიტის წარმომადგენლები, რიგგარეშე არჩევნებს?” ისინი მუდმივად გვთავაზობენ სცენარებს, რომელთა ერთი მიზანიც არის – ხალხი პროცესს გარეთ დატოვონ, უფრო მეტიც, შეუქცევადად. ”ეს პოლიტიკური ძალები გვთავაზობენ ანარქიის ან მარიონეტული ძალაუფლების შექმნას სომხეთში”, – აღნიშნა მან.
პრემიერ-მინისტრმა ბოდიში მოიხადა კვალიფიკაციისთვის და კომენტარი გააკეთა, თუ რატომ აძლევდა ასეთ შეფასებას.
”იმის გამო, რომ ისინი გვთავაზობენ პრემიერ-მინისტრობის კანდიდატს, რომელსაც არ აქვს ხალხის მხარდაჭერა, არ აქვს საყრდენი პარლამენტში, ხალხის მხარდაჭერის პერსპექტივაც კი არ აქვს, რადგან დაყენებულია პირობა, რომ ეს კანდიდატი საერთოდ არ უნდა მონაწილეობდეს არჩევნებში”, – თქვა ფაშინიანმა.
მისივე თქმით, სომხეთში არჩევნების გაყალბების ყველა მექანიზმი აღდგება დროებითი მთავრობიდან ერთი წლის განმავლობაში.
