სირიელმა დაქირავებულებმა, რომლებმაც აზერბაიჯანის მხრიდან მონაწილეობა მიიღეს არცახის წინააღმდეგ ომში, BBC- ს განუცხადეს, თუ როგორ იყენებდნენ მათ “საქვემეხო ხორცად”. როგორც “არმენპრესი” იტყობინება, დაქირავებულებმა აღნიშნეს, რომ მათ ბრძოლაში მონაწილეობისათვის ფულს უხდიდნენ.
„ჩვენ გვითხრეს, რომ ჩვენი მისია იქნება აზერბაიჯანის საზღვრის დაცვა. ამ სამუშაოსთვის თვეში 2 000 დოლარს გვთავაზობდნენ. ჩვენ შევთანხმდით, მაგრამ როდესაც აზერბაიჯანში ჩავედით, მეორე დღეს სასწრაფოდ გადაგვიყვანეს ფრონტის ხაზზე”, – განუცხადა სირიელმა დაქირავებულმა მედიას.
მისივე თქმით, 30 – მდე ადამიანი იმყოფებოდა ფრონტის ხაზზე, როდესაც 50 მეტრის გავლის შემდეგ მათ გვერდით რაკეტა ჩამოვარდა.
”სროლა დაახლოებით 30 წუთს გაგრძელდა. ეს წუთები საუკუნედ ეჩვენებოდა, მაშინ ვინანე, რომ აზერბაიჯანში ჩამოვედი“, – თქვა მან.
ჟურნალისტთან საუბრისას დაქირავებულებმა თქვეს, რომ სიკვდილი ყველგან იყო, მათ იყენებდნენ “საქვემეხო ხორცად“, გადარჩენის ალბათობა მხოლოდ 1% იყო.
