ყარაბაღში მხარეები უნდა შეჩერდნენ იქ, სადაც იმყოფებოდნენ განცხადების დროს. პუტინი
მხარეები მთიან ყარაბაღში უნდა შეჩერდნენ იქ, სადაც სამმხრივი განცხადების ხელმოწერის დროს იმყოფებოდნენ, განაცხადა რუსეთის პრეზიდენტმა ვლადიმერ პუტინმა ყოველწლიური ბრიფინგის დროს.
”სამმხრივი განცხადების ფარგლებში, ჩვენ შევთანხმდით, რომ საომარი მოქმედებები შეწყდება და, რაც მთავარია, შევთანხმდით, რომ მხარეები შეჩერდებიან იქ, სადაც ისინი იმყოფებიან ჩვენი სამმხრივი განცხადების ხელმოწერის მომენტში”, - აღნიშნა პუტინმა.
ამასთან დაკავშირებით, როგორც რუსეთის პრეზიდენტმა აღნიშნა, ბევრი ტექნიკური საკითხი დგება. ისინი დაკავშირებულია ორივე მხარის ინფრასტრუქტურასთან. მაგრამ ეს მშვიდად უნდა იქნას განხილული მოლაპარაკებების მეშვეობით.
სამმხრივი განცხადება ამის ყველა შესაძლებლობას იძლევა, რადგან აქ ნათქვამია, რომ ცეცხლის შეწყვეტის შემდეგ უნდა დაიწყოს შემდეგი ეტაპი – რეგიონში არსებული ვითარების სრული მოგვარება ეკონომიკური და ინფრასტრუქტურული პოტენციალის გამოვლენით, საავტომობილოს და სარკინიგზოს ჩათვლით.
”ეს ეხება როგორც ნახჭევანს, ასევე სომხეთის ჩრდილოეთსა და სამხრეთს შორის კომუნიკაციას”, – აღნიშნა პუტინმა.
ცეცხლის შეწყვეტის შესახებ შეთანხმება ძალზე მნიშვნელოვანია, ვინაიდან ის წყვეტს სისხლისღვრას. ხალხი აღარ იღუპება. პუტინის აზრით, ეს ყველაზე მთავარია, დანარჩენი მეორეხარისხოვანია.
პუტინმა აღნიშნა, რომ ცეცხლის შეწყვეტა ერთხელ დაირღვა. მან იმედი გამოთქვა, რომ ეს დარჩება ერთადერთ დარღვევად და მხარეებს შეეძლებათ მოლაპარაკებების დაწყება რუსეთის ან ეუთოს მინსკის ჯგუფის შუამავლობით.
პუტინმა ასევე იმედი გამოთქვა, რომ საერთაშორისო შუამავლები და ორგანიზაციები სიტყვიდან საქმეებზე გადავლენ, დაეხმარებიან საჭიროების მქონეებს, პირველ რიგში, მთიან ყარაბაღში დაბრუნებულებს. და ამას მხოლოდ რუსეთზე არ დატოვებენ.
