9 ნოემბრის დოკუმენტი შემუშავდა კრიზისის პერიოდში და ძნელია იმის წარმოდგენა, რომ გარდა ცეცხლის შეწყვეტისა, იგი გადაწყვეტს კონფლიქტს, რომელიც 30 წლის განმავლობაში არ მოგვარებულა. ამის შესახებ კავკასიის ინსტიტუტის დირექტორმა, პოლიტოლოგმა ალექსანდრე ისკანდარიანმა განაცხადა ონლაინ დებატების დროს.
მისი თქმით, ძნელია სწრაფად მიაღწიო რაიმეს, იმის გათვალისწინებით, რომ კონფლიქტი ძველია, ხოლო ომის შემდეგ აზერბაიჯანში კომპრომისზე წასვლის სურვილი კიდევ უფრო შემცირდა.
”ბაქო ყველაფერს აკეთებს იმისათვის, რომ ზეწოლა მოახდინოს არცახზე და არ სურს სამშვიდობო მოლაპარაკებების ჩატარება. აზერბაიჯანს სურს მოაგვაროს კონფლიქტი ისე, როგორც ეს ქნა ჰადრუთში, არცახის სამხრეთ ნაწილში და შუშში. ის კვლავ აგრძელებს სომხებზე ზეწოლას და ცდილობს გაუსაძლისი გახადოს მათი ყოფნა არცახში. ასე რომ, ყარაბაღის საკითხი დარჩა იქ, სადაც იყო”, – თქვა მან.
