რუსეთი, აშშ და საფრანგეთი მხარს უჭერდნენ მთიანი ყარაბაღის სტატუსის სანაცვლოდ რეგიონების გადაცემას, მთიანი ყარაბაღის სამშვიდობო პროცესის ფარგლებში. ამის შესახებ რუსეთის სომეხთა კავშირის მიერ ორგანიზებულ დისკუსიაზე დსთ-ს საქმეთა, ევრაზიის ინტეგრირებისა და თანამემამულეებთან კავშირის კომიტეტის თავმჯდომარის პირველმა მოადგილემ კონსტანტინე ზატულინმა განაცხადა.
”დიახ, იყო კონკურენცია, შეხვედრების ორგანიზების მცდელობები, მაგრამ უფრო მეტი არა”, – თქვა მან.
ზატულინმა აღნიშნა, რომ შეერთებული შტატები და საფრანგეთი ახლა საკმაოდ ობიექტურად უდგებიან ამ საკითხს.
”ნებისმიერ შემთხვევაში, რუსეთის პოზიცია, როგორც სომხეთის პარტნიორი, უცვლელია და როდესაც სომხეთში შიდა პროცესები ხდება, ეს მხედველობაში უნდა იქნას მიღებული და ამ ფაქტის საფუძველზე უნდა განხორციელდეს პოლიტიკა,” – დასძინა მან.
