”2020 წელი ისტორიაში დარჩება, როგორც ერთ-ერთი ყველაზე ცუდი წელი სომხეთისთვის და მთელი მსოფლიოსთვის. წელი კორონავირუსის ეპიდემიით დაიწყო, რის შედეგადაც ჯანმრთელობისა და ეკონომიკური მდგომარეობის პრობლემები გაჩნდა და ამასთან ერთად დასრულდა ჩვენი წარუმატებლობით არცახის მეორე ომში“, – წერს გაზეთი „ჰაიასტანი ჰანრაპეტუთიუნ“-ი.
აზერბაიჯანის, სინამდვილეში, თურქეთის გეგმები არ შემოიფარგლება მხოლოდ არცახის ტერიტორიების ოკუპაციით. ამის დასტურია აზერბაიჯანის ადამიანის უფლებებისა და დემოკრატიის ინსტიტუტის ხელმძღვანელის, აჰმად შაჰიდოვის Twitter მიკრობლოგის პოსტი, სადაც ის წერს სომხეთთან ახალი ომის გარდაუვალობაზე. ”ამჯერად ომი გაიმართება სომხეთის ტერიტორიაზე … აზერბაიჯანი ვალდებულია შექმნას 20-30 კილომეტრიანი უსაფრთხოების ზონა, რომელიც განთავსებული იქნება მხოლოდ სომხეთის ტერიტორიაზე.” ვფიქრობთ, ეს საკმარისია იმისთვის, რომ გავიგოთ თურქეთ-აზერბაიჯანის ალიანსის პროგრამის შემდეგი ეტაპის მიმართულება. თუ ამ ყველაფრიდან არ გამოვიტანთ დასკვნებს და არ გვექნება მკაფიო სამოქმედო გეგმა, საბოლოოდ საფრთხეში ჩავაყენებთ სომხეთის სახელმწიფოებრიობის არსებობას. ზემოაღნიშნული პოსტი კიდევ ერთია იმ საფრთხეებისგან, რომლებიც თურქეთ-აზერბაიჯანის ალიანსმა არაერთხელ გამოხატა სომხეთის რესპუბლიკის ამჟამინდელი ტერიტორიის მიმართ. მტერი უარს არ ამბობს სომხეთისგან ახალი მიწების წართმევისა და ჩვენს უსაფრთხოებასთან დაკავშირებული მიუღებელი დათმობების გამოძალვის გეგმაზე.
რამდენიმე დღეში დასრულდება წელი, მაგრამ არა პრობლემები და გამოწვევები. ”მომავალ წელს ჩვენი ნაბიჯები მიმართული უნდა იქნას უსაფრთხოების სისტემის შესაქმნელად, რომელიც მოთოკავს თურქეთ-აზერბაიჯანის” მადას ”, – წერს გაზეთი.
