რუსეთის ფედერაცია და თურქეთი თანხმდებიან, რომ მთიან ყარაბაღში შექმნილი ვითარება არ უნდა იქნას გამოყენებული უცხოელი დაქირავებულების რეგიონში შესაღწევად. ამის შესახებ განაცხადა რუსეთის საგარეო საქმეთა მინისტრმა სერგეი ლავროვმა სამშაბათს თავის თურქ კოლეგასთან მევლუთ ჩავუშოღლუსთან შეხვედრის შემდეგ, იუწყება TASS.
”ჩვენი ზოგადი მოსაზრებაა, რომ მთიან ყარაბაღში შექმნილი ვითარება არ უნდა გამოიყენონ უცხოელმა დაქირავებულებმა რეგიონში შეღწევის მცდელობად. ჩვენ ამ საკითხში სრულად ვეთანხმებით ჩვენს თურქ კოლეგებს”, – აღნიშნა მან.
”ჩვენ მივესალმებით ანკარას სურვილს, დაეხმარონ კონფლიქტის მონაწილე მხარეებს თავიანთი ვალდებულებების შესრულებაში, კერძოდ, რუსეთის, აზერბაიჯანისა და სომხეთის პრემიერ-მინისტრების მიერ 9 ნოემბერს ხელმოწერილი ხელშეკრულების ფარგლებში, აგრეთვე ცეცხლის შეწყვეტის შესახებ ვალდებულებების შესრულების მონიტორინგის რუსეთ-თურქეთის ერთობლივი ცენტრის ფარგლებში”, – აღნიშნა მინისტრმა.
ლავროვმა შეახსენა, რომ ეს ერთობლივი ცენტრი რუსეთის და თურქეთის პრეზიდენტებს შორის მიღწეული შეთანხმებების შედეგად შეიქმნა და ახლა “მისი აქტიური განლაგების პროცესი მიმდინარეობს”.
