რუსი სამშვიდობოების განთავსება მთიან ყარაბაღში მშვიდობას უზრუნველყოფს რეგიონში გრძელვადიან პერსპექტივაში. ეს განცხადება გააკეთა რუსეთის ფედერალური საბჭოს უსაფრთხოების კომიტეტის თავმჯდომარემ ვიქტორ ბონდარევმა, ტასს-თან საუბარში.
”რუსეთს პირველად არ აქვს გადამწყვეტი როლი ჩვენს მეზობლებს შორის კონფლიქტების მოგვარებაში. ჩვენ ღრმად ვცემთ პატივს ორ დაპირისპირებულ მხარეს და ვუსურვებთ მათ მხოლოდ საუკეთესოს”, – აღნიშნა ბონდარევმა.
მისი აზრით, რუსეთს, სომხეთსა და აზერბაიჯანს შორის სამმხრივმა განცხადებამ “შეაჩერა ომი მთიან ყარაბაღში და თავიდან აიცილა შემდგომი სისხლისღვრა”.
”აზერბაიჯანმა თანხმობა განაცხადა სრულ ცეცხლის შეწყვეტაზე, რუსული სამშვიდობო ძალების განლაგებაზე აზერბაიჯანულ და სომხურ ჯარებს შორის კონტაქტის ხაზზე. სომხეთმა, თავის მხრივ, გააკეთა სერიოზული ტერიტორიული დათმობები ”უსაფრთხოების ზონიდან”, მთიანი ყარაბაღის ხალხის სიცოცხლის შესანარჩუნებლად და ტერიტორიის უმეტესი ნაწილის კონტროლის მიზნით”, – აღნიშნა ბონდარევმა.
მან აღნიშნა, რომ მთიან ყარაბაღში საომარი მოქმედებების შეწყვეტით მოიგებს ყველა და იმედი გამოთქვა, რომ ეს გარდამტეხი იქნება მრავალი წლის კონფლიქტისთვის, აგრეთვე რეგიონში შეიქმნება წინაპირობები მდგრადი მშვიდობისთვის.
”დარწმუნებული ვარ, რომ რუსი სამშვიდობოები პატივისცემით და ღირსეულად ასრულებენ თავიანთ დავალებებს”, – აღნიშნა ფედერალური საბჭოს თავდაცვისა და უსაფრთხოების კომიტეტის თავმჯდომარემ.
