კივირიანი ასტრონავტების რაზმის ერთ-ერთი კანდიდატია. როსკოსმოსმა აირჩია საუკეთესოები

“როსკომოსის” ასტრონავტთა რაზმში მოხვედრის ერთ-ერთი კანდიდატი 27 წლის ჰარუთიუნ კივირიანია. “როსკოსმოსის” პრესსამსახურის ცნობით, გადაწყვეტილება ძალაში შევიდა 2021 წლის 27 იანვარს.

ასტრონავტების ახალი შერჩევის პროგრამა 2019 წლის 3 ივნისს დაიწყო. უწყებათაშორისმა კომისიამ  იური გაგარინის ასტრონავტების სასწავლო და ექსპერიმენტული სწავლების ცენტრს შესთავაზადანიშნოს ოთხი ასტრონავტი როსკოსმოსის ასტრონავტთა რაზმში.

კივირიანის გარდა, ასტრონავტის პროფესიას აითვისებენ სერგეი ირტუგანოვი, ალექსანდრე კოლიაბინი, სერგეი ტეტერიატნიკოვი.

უახლოეს მომავალში ისინი დაიწყებენ კურსებს, რომლებიც გაგრძელდება ორი წლის განმავლობაში.

კონკურსის მიზანია საუკეთესო სპეციალისტების შერჩევა რუსეთის ფედერალური კოსმოსური პროგრამის განხორციელების უზრუნველსაყოფად.

ცენტრის სპეციალისტებმა ჯამში 2229 ზეპირი და წერილობითი განცხადება მიიღეს. რაზმში შეიძლება აღმოჩნდნენ 35 წლამდე რუსეთის მოქალაქეები, რომლებსაც აქვთ უმაღლესი განათლება, ძირითადად ტექნიკური.

ჰარუთიუნ კივირიანი დაიბადა 1993 წლის 23 აგვისტოს მაიკოპში. 2015 წ. მან დაამთავრა უსტინოვის სახელობის ბალტიის სახელმწიფო ტექნიკური უნივერსიტეტი, ინჟინრის კვალიფიკაციით, ხომალდმშენებლობის სპეციალობით. 2012-2015 წლებში სწავლა განაგრძო სამხედრო კათედრაზე “ფრთიანი რაკეტების კომპლექსების ექსპლუატაცია და შეკეთება”, მიიღო ლეიტენანტის წოდება.

ჰარუთიუნ კივირიანი პირველი სომეხია საბჭოთა, რუს ასტრონავტთა რაზმში.