სასამართლო-სამართლებრივი სისტემის რეფორმა ერთ – ერთი ყველაზე მნიშვნელოვანი საქმეა, რომელიც წელს უნდა გაკეთდეს. ამის შესახებ მთავრობაში სასამართლო სისტემის წარმომადგენლებთან შეხვედრისას აღნიშნა სომხეთის რესპუბლიკის პრემიერ-მინისტრმა ნიკოლ ფაშინიანმა, რომელმაც თავის ფეისბუქ გვერდზე გამოაქვეყნა ნაწყვეტი შეხვედრის ამსახველი ვიდეოდან.
”და ამ კონტექსტში, ასევე ძალზე მნიშვნელოვანია რეფორმები პოლიციის სფეროშიც. უახლოეს მომავალში ჩვენს დღის წესრიგში დგას შინაგან საქმეთა სამინისტროს ფორმირების პროცესი, ჩვენ პარალელურად დავიწყეთ და წელს საგრძნობლად და თვალსაჩინოდ უნდა დავიწყოთ საპატრულო პოლიციის შექმნა. პროცესი უკვე დაწყებულია. დღეს ჩვენ უნდა განვიხილოთ, თუ რა გადაუდებელი რამ უნდა გაკეთდეს ამ კონტექსტში, რათა პროგრამა, რომელიც ომის გამო გადაიდო, უფრო მეტად აღარ გადაიდოს და ამის განხორციელება წელს შევძლოთ”, – აღნიშნა ფაშინიანმა.
შეგახსენებთ, რომ მთავრობამ 2019 წლის 10 ოქტომბერს დაამტკიცა სომხეთის რესპუბლიკის სასამართლო და სამართლებრივი რეფორმების 2019-2023 წლების სტრატეგია და მისგან გამომდინარე სამოქმედო გეგმები.
სტრატეგიიდან გამომდინარე ყველა სამოქმედო გეგმა ერთად 20 მილიარდ 282 მილიონ 44 ათას დრამად შეფასდა.
