შეუძლია თუ არა ერევანს შეინარჩუნოს თავისი პოზიციები „ჩრდილოეთ-სამხრეთის“ ენერგეტიკულ დერეფანში?

„Sputnik სომხეთი“  წერს, რომ  “ჩრდილოეთ-სამხრეთის” ენერგეტიკული დერეფნის პროგრამის განხორციელება სომხეთს გამოიყვანს ენერგეტიკული ბლოკადიდან. ამასთან, არსებული რეალობის გათვალისწინებით, ერევანმა ყველა ღონე უნდა იხმაროს, რომ შეინარჩუნოს სტატუსი, როგორც ექსპორტიორი ქვეყანა რეგიონში.

ენერგეტიკული დერეფნის მშენებლობის თემა ახალი არ არის. საკითხი უკვე განახლდა ვიცე პრემიერ მინისტრის ტიგრან ავინიანის შეხვედრის შემდეგ სომხეთში საქართველოს საგანგებო და სრულუფლებიან ელჩთან გიორგი საგანელიძესთან. მხარეებმა განიხილეს “ჩრდილოეთ-სამხრეთის” ენერგეტიკული დერეფნის შექმნის პროგრამა, ამ მიმართულებით უკვე შესრულებულია სამუშაოები და დაგეგმილია ნაბიჯები.

ამასთან დაკავშირებით, მივმართეთ ვიცე პრემიერის აპარატს დეტალების გასარკვევად, პროექტის პირობების ჩათვლით.

„Sputnik სომხეთის“ ოფიციალური გამოკითხვის საპასუხოდ, მათ განაცხადეს, რომ ამ მომენტისათვის განხილვის ეტაპზეა ტექნიკურ-ეკონომიკური კომპონენტების შესახებ საკონსულტაციო კომპანია Fichtner Consulting-ის მიერ წარდგენილი ანგარიში. გარდა ამისა, უახლოეს მომავალში გაიმართება პროგრამის ტექნიკური კომპონენტების ოთხმხრივი განხილვა.

რაც შეეხება ირან-სომხეთის 400 კვტ სიძლიერის ელექტროგადამცემი ხაზის მშენებლობას და ნორავანში 400 კვტ ქვესადგურის მშენებლობას, ისინი მშენებლობის პროცესშია.

”ამჟამად ხორციელდება საჰაერო ბოძების, სადენების, მათკენ მიმავალი გზების მშენებლობის, აღჭურვილობის მონტაჟი და სხვა სამუშაოები. პროგრამა დასრულდება 2021 წლის დეკემბერში. სომხეთი და ირანი ამჟამად მუშაობენ პროგრამა  „გაზი ელექტროენერგიის მაგივრად“  მოცულობის გაზრდაზე, ხელშეკრულების ვადის გახანგრძლივებაზე”, – უპასუხეს ვიცე პრემიერის აპარატიდან.

„კავკასიის ელექტროგადამცემი ქსელის“ (სომხეთი-საქართველოს ქვესადგური) პროექტი ითვალისწინებს გენერალური კონტრაქტორების შერჩევას სამი ლოტით (დ’დმაშენის ქვესადგურის შესვლა/გასვლა), ლოტი 2 – გადამცემი ხაზი, ლოტი 3 – მაღალი ძაბვის სატრანსფორმატორო ქვესადგურის მშენებლობა. პროგრამის დასრულება დაგეგმილია 2025 წლის დეკემბერში.

„Sputnik სომხეთთან“ ინტერვიუში ენერგეტიკის უსაფრთხოების ინსტიტუტის ანალიტიკური ცენტრის დირექტორმა ვაჰე დავთიანმა ხაზი გაუსვა სომხური მხარისთვის დამაკმაყოფილებელი პირობებით პროექტის განხორციელების მნიშვნელობას.

”ენერგეტიკულ პროექტს, რომელიც შემუშავდა 2015-2016 წლებში, შეუძლია უზრუნველყოს სომხეთის განთავისუფლება  ენერგეტიკული ბლოკადიდან. ეს მიზნად ისახავს ირანს, სომხეთს, საქართველოსა და რუსეთს შორის ორმხრივი ნაკადების გაზრდას”, – თქვა დავთიანმა.