მთავარიპოლიტიკა

პუტინმა და ერდოღანმა ყარაბაღის სოციალურ-ეკონომიკური განვითარების საკითხი განიხილეს

რუსეთისა და თურქეთის პრეზიდენტებმა ვლადიმერ პუტინმა და რეჯეფ თაიფ ერდოღანმა განიხილეს მთიან ყარაბაღში შექმნილი ვითარება, იტყობინება კრემლის პრესსამსახური.

ასევე განიხილეს რეგიონში სოციალურ-ეკონომიკური განვითარების ღონისძიებების კოორდინაციის საკითხები.

”მთიანი ყარაბაღის გარშემო ვითარების განხილვა გაგრძელდა რუსეთის, აზერბაიჯანის, სომხეთის ლიდერების 2020 წლის 9 ნოემბრის და 2021 წლის 11 იანვრის განცხადებებში აღნიშნული შეთანხმებების განხორციელების კონტექსტში. მხედველობაში მიიღება რუსეთ-თურქეთის ქმედებების კოორდინაცია რეგიონის სოციალურ-ეკონომიკური განვითარების სასარგებლოდ”, – ნათქვამია განცხადებაში.

მხარეებმა კმაყოფილება გამოხატეს  ცეცხლის შეწყვეტის კონტროლის რუსეთ-თურქეთის ერთობლივი ცენტრის სამუშაოების დაწყებასთან დაკავშირებით.

ორი ქვეყნის ლიდერები შეთანხმდნენ, რომ გააგრძელებენ კონტაქტებს.

ნახეთ მეტი
Back to top button