სომხეთის რესპუბლიკის პარლამენტის ვიცესპიკერი ალენ სიმონიანი სომხეთის პრემიერ-მინისტრ ნიკოლ ფაშინიანის და რუსეთის პრეზიდენტ ვლადიმერ პუტინის პირად ურთიერთობებს ნორმალურად მიიჩნევს, მაგრამ ნორმალურად არ თვლის მის შეჭრას ამ საკითხში.
დღეს, ეროვნულ ასამბლეაში ჟურნალისტებთან ბრიფინგზე, ალენ სიმონიანმა კომენტარი გაუკეთა ფაშინიანის განცხადებას რუსული “ისკანდერების” შესახებ და რუსული მხარის რეაქციას, რომ პრემიერ-მინისტრს სწორი ინფორმაცია არ მიაწოდეს.
”მე რუსულ იარაღს საუკეთესო იარაღად მივიჩნევ, ომის დროს რუსეთის ქმედებები მაქსიმალურად მოკავშირედ მიმაჩნია, მაგრამ მიმაჩნია, რომ წარმოქმნილი პრობლემები არანაკლებ ცნობილია ჩვენი რუსი პარტნიორებისთვის”, – აღნიშნა სიმონიანმა.
23 თებერვალს 1in.am- თან ინტერვიუში ნიკოლ ფაშინიანმა, 44-დღიანი ომის დროს „ისკანდერის“ გამოუყენებლობასთან დაკავშირებით ყოფილი პრეზიდენტის – სერჟ სარგსიანის ბრალდებებზე, აღნიშნა, რომ სარგსიანმა უნდა იკითხოს რატომ მოხდა ისკანდერის აფეთქება 10%-ით. 25 თებერვალს, რუსეთის ფედერაციის თავდაცვის სამინისტრომ გამოაცხადა, რომ ყარაბაღში საერთოდ არ იყენებდნენ “ისკანდერს”.
