სომხეთის რესპუბლიკის თავდაცვის მინისტრი ვაღარშაკ ჰარუთიუნიანი შეხვდა სომხეთისა და რუსეთის შეიარაღებული ძალების გაერთიანებული ჯგუფის მეთაურობას და სომხეთის გენერალური შტაბის რადიო-ელექტრონული საბრძოლო ჯარების დეპარტამენტის სამეთაურო შემადგენლობას. ინფორმაციას გვაწვდის სომხეთის თავდაცვის სამინისტროს პრესსამსახური.
„გაერთიანებული ჯარების სარდალმა, გენერალ-ლეიტენანტმა ტიგრან ფარვანიანმა, გენერალური შტაბის რადიო-ელექტრონული საბრძოლო ჯარების დეპარტამენტის ხელმძღვანელმა, პოლკოვნიკმა არტურ კუმელოვმა თავდაცვის მინისტრს წარუდგინეს ქვედანაყოფების ფუნქციები, მიმდინარე ამოცანები და ამ სასწავლო წელში დაგეგმილი ღონისძიებები”, – ნათქვამია ცნობაში.
აღნიშნულია, რომ ვაღარშაკ ჰარუთიანიანმა სათანადო მითითებები მისცა სამეთაურო შტაბს.
