16 მარტს, სომხეთის შეიარაღებული ძალების ყველა ოპერატიული მიმართულებით დაიწყო ერთობლივი ტაქტიკურ-პროფესიონალური სწავლება. სომხეთის შეიარაღებული ძალების გენერალური შტაბის ადმინისტრაციულ-ორგანიზაციული დეპარტამენტის ინფორმაციის განყოფილების უფროსმა, პოლკოვნიკმა სამველ ასატრიანმა Facebook- ის საკუთარ გვერდზე გამოაქვეყნა სომხეთის შეიარაღებული ძალების გენერალური შტაბის ოპერატიული დეპარტამენტის უფროსის, გენერალ-მაიორ ედვარდ ასრიანის ვიდეო მიმართვა .
”სამხედრო წვრთნებში მონაწილე სამხედრო ნაწილები და ქვედანაყოფები ბრძოლისუნარიანობის შესაბამის დონემდე აჰყავთ განკარგულების წესით და გამოჰყავთ სამხედრო მომზადების ჩატარების ტერიტორიებზე”, – ნათქვამია შეტყობინებაში.
აღინიშნა, რომ უკვე შეიქმნა შეიარაღებული ძალების სამხედრო ნაწილების მართვის პუნქტები, სადაც ტარდება ტაქტიკური სამხედრო წვრთნების, საბრძოლო სროლის ფაზების, ჯგუფეულის დაზუსტების , აგრეთვე ქვედანაყოფებისა და ცეცხლის მართვის მოსამზადებელი სამუშაოები.
”მიმდინარე სწავლების მიზნებია: სამხედრო ნაწილების საბრძოლო მზადყოფნის შემოწმება, განსაკუთრებით რთულ ვითარებაში მოქმედების შესაძლებლობის შემოწმება, შეიარაღებული ძალების ოპერატიულ-ტაქტიკური ქვედანაყოფების მართვის ორგანოების შესაძლებლობების შემოწმება ჯარების მართვის საქმეში და დაზუსტდეს შტატის გაცემული ძალების და საშუალებების ურთიერთთანამშრომლობის საკითხები”, – ამბობს ასრიანი.
აღსანიშნავია, რომ ტაქტიკური და ტაქტიკურ-პროფესიონალურ წვრთნებში ჩართულია 7500 სამხედრო მოსამსახურე, დაახლოების 200-მდე სარაკეტო, რეაქტიულ-საარტილერიო და საარტილერიო, 150-ზე მეტი ტანკსაწინააღმდეგო საშუალება, დაახლოებით 100-მდე ჯავშანტექნიკა, 90-ზე მეტი ჰაერსაწინააღმდეგო დაცვის საშუალება. ჯარების ტაქტიკური ოპერაციების მხარდასაჭერად, სწავლებაში ჩართული იქნება საჰაერო შეტევის საშუალებებიც (ავიაცია).
