სომხეთის ელექტროსადგურის მოდერნიზაციის შემდეგ, მისი ექსპლუატაცია შეიძლება 2036 წლამდე. ამის შესახებ 18 მარტს ჟურნალისტებს განუცხადა სომხური ატომური ელექტროსადგურის ექსპლუატაციის ვადის გაგრძელების პროექტის რუსული მხარის ხელმძღვანელმა იური სვირიდენკომ. მისივე თქმით, ამაზე მოწმობენ წინასწარი გათვლები.
თავის მხრივ, სომხეთის ტერიტორიული ადმინისტრაციისა და ინფრასტრუქტურის სამინისტროს ენერგეტიკის დეპარტამენტის ხელმძღვანელმა ტიგრან მელქონიანმა ხაზი გაუსვა, რომ მეორე ენერგეტობლოკის მოდერნიზაციისთვის გამოყოფილი 63 მილიარდი დრამიდან დაიხარჯა დაახლოებით 20 მილიარდი დრამი.
აღსანიშნავია, რომ ეს თანხა სომხეთის სახელმწიფო ბიუჯეტიდან გამოიყო.
შეგახსენებთ, რომ 2020 წლის ივნისში სომხეთის მთავრობამ გადაწყვიტა უარი ეთქვა რუსული სესხის ნაწილზე და 63 მილიარდი დრამი გამოეყო სახელმწიფო ბიუჯეტიდან.
