არცახის წინააღმდეგ ომში აზერბაიჯანის მხრიდან მონაწილე პრო-თურქული ”სულეიმან შაჰის” ტერორისტული დაჯგუფების მებრძოლებმა საპროტესტო მიტინგი გამართეს აფრინში და მოითხოვეს ხელფასი, რომელიც მათ უკვე რამდენიმე თვეა არ მიუღიათ.
როგორც იუწყება ANFnews– ი, ისინი ამაში ადანაშაულებენ თავიანთ მეთაურს აბუ ჰამშას, რომელმაც, ბოევიკების თქმით, თურქი სპონსორებისგან მიღებული თანხა მიითვისა. დაქირავებულებმა საპროტესტო აქციის ვიდეო გაავრცელეს Telegram არხზე.
”თურქეთის სახელმწიფოსთან ერთად მთიან ყარაბაღში წავედით. ჩვენ გვყავს მოწამეები. ბრიგადის გენერალმა აბუ ჰამშამ აიღო ჩვენი და მოწამეთა ოჯახების ფული. საჭმლის ფულიც კი არ გვაქვს. ეს ჩვენთვის მიუღებელია”, – თქვა ერთ-ერთმა დაქირავებულმა.
https://t.me/new_militarycolumnist/54256
2020 წლის 1 ნოემბერს სომხეთის საგამოძიებო კომიტეტმა გამოაქვეყნა ამონარიდი სირიის არაბული რესპუბლიკის მოქალაქე მუჰრაბ მუჰამედ ალ შხერის დაკითხვიდან, სადაც მოხსენიებულია მეთაური აბუ ჰამშა.
”პიროვნებამ, აბუ ჰუსეინმა, რომელსაც 23 სახელი აქვს თქვა, რომ ჩვენ უნდა წავიდეთ ქალაქ კილისის მახლობლად, სადაც განლაგებულია სხვადასხვა ჯგუფების სასარდლო შემადგენლობა. ორი დღის შემდეგ სხვა ადგილზე გადაგვიყვანეს, სადაც იმყოფებოდა ადამიანი, მეტსახელად აბუ ჰამშა, სულეიმან შაჰის დაჯგუფების მთავარსარდალი”, – თქვა მუჰრაბ მუჰამედ ალ-შხერმა.
