საერთაშორისო საზოგადოება უნდა ჩაერიოს აზერბაიჯანში სომეხი ტყვეების საკითხში. ამის შესახებ ჟურნალისტებს განუცხადა არცახის საგარეო საქმეთა მინისტრმა დავით ბაბაიანმა.
”აუცილებელია ყველა კარზე დაკაკუნება. დიახ, სომხურ მხარეს აქვს მონაცემები, მაგრამ საერთაშორისო საზოგადოების ჩარევა აუცილებელია, საჭიროა მონიტორინგი”, – განაცხადა საგარეო საქმეთა მინისტრმა და დასძინა, რომ მედია აზვიადებს ინფორმაციას იმის შესახებ, რომ აზერბაიჯანი მონაწილეობს ორგანოებით ვაჭრობაში. ”იმისათვის, რომ დანამდვილებით ვიცოდეთ, საერთაშორისო საზოგადოება უნდა ჩაერიოს. პირველი ომის შემდეგ და ამას 100% დარწმუნებით ვამბობ, აზერბაიჯანელებმა სომეხი ტყვეები და მძევლები აზერბაიჯანული სახელებით დაარეგისტრირეს და ციხეებში ინახავდნენ. საერთაშორისო საზოგადოებამ მონიტორინგის საშუალებით ვერ შეძლო მათი იდენტიფიცირება. ვინ იცის, იქნებ ახლაც ასეა? ”მაგრამ ფაქტია, რომ შეიძლება იქ უფრო მეტი ტყვე იყოს, ვიდრე აზერბაიჯანი ამბობს”, – აღნიშნა მან.
კომენტარი გააკეთა რა აზერბაიჯანის ხელისუფლების მცდელობებზე, რომ სამხედრო ტყვეები ტერორისტებად წარმოეჩინათ, ბაბაიანმა შეახსენა სამი აზერბაიჯანელი ტერორისტი, რომლებიც შევიდნენ არცახის ტერიტორიაზე. ”ერთი განადგურდა. დანარჩენი ორის მიმართ გაიმართა ღია სასამართლო, საერთაშორისო ორგანიზაციების და მედიის წარმომადგენლების მონაწილეობით. მათ დაამტკიცეს, რომ ისინი ტერორისტები და კრიმინალები არიან. აქ კი მსგავსი რამ არ არის”, – აღნიშნა მინისტრმა.
