სომხეთის ადამიანის უფლებათა დამცველის არმან თათოიანის მრჩევლის სერგეი ღაზინიანის განცხადებით, ომის პირველივე დღიდან, ადამიანის უფლებათა დამცველის აპარატი აქტიურად მონაწილეობდა აზერბაიჯანის მიერ ადამიანის უფლებათა დარღვევების, სამხედრო დანაშაულების აღრიცხვასა და მათი შესწავლის სამუშაოებში, რომელთა შედეგებიც წარუდგინეს საერთაშორისო პარტნიორებს და სრ უფლებამოსილ ორგანოებს.
”ერთ-ერთი მნიშვნელოვანი მიმართულება იყო ფაქტების შეგროვების სამუშაო, რის შედეგადაც შეგროვდა ვიდეო, ფოტოები და სხვა მასალები, რომლებიც მოწმობს აზერბაიჯანის მიერ ჩადენილ ომის დანაშაულებსა და ადამიანის უფლებათა უხეშ დარღვევებზე. რა თქმა უნდა, მიზანი არის აზერბაიჯანის შეიარაღებული ძალების მიერ ჩადენილი სისასტიკის რეალობის ობიექტური წარმოდგენა”, – აღნიშნა სახალხო დამცველის მრჩეველმა.
ღაზინიანის თქმით, ადამიანის უფლებათა დამცველის აპარატის ფაქტების შემკრები სამუშაოს შედეგები წარუდგინეს ევროპულ სასამართლოსაც. სომხეთის ადამიანის უფლებათა დამცველმა ასევე გამოაქვეყნა სპეციალური ანგარიში სამხედრო ტყვეთა საკითხზე, რომელიც შედგენილი იქნა სომეხ სამხედრო ტყვეებთან ინტერვიუების საფუძველზე. ღაზინიანის თქმით, საერთაშორისო ჰუმანიტარული სამართლის პრინციპიდან გამომდინარე, არასოდეს არ შეიძლება ტყვეების საკითხის პოლიტიზირება, რასაც აზერბაიჯანი აკეთებს.
ომბუდსმენის მრჩეველის თქმით, საერთაშორისო კონვენციის თანახმად, სამხედრო ტყვეები დაუყოვნებლივ უნდა დაბრუნდნენ, იმისდა მიუხედავად, არის თუ არა ოქმი ან პუნქტი ცეცხლის შეწყვეტის შესახებ განცხადებებში. ამ შემთხვევაში, აზერბაიჯანი არა მხოლოდ არ ასრულებს მის მიერ ხელმოწერილი დოკუმენტის შესრულებას, არამედ ცდილობს ტყვეების საკითხი სხვადასხვა სპეკულაციების საგნად აქციოს, რაც დაუშვებელი და მიუღებელია.
