აზერბაიჯანის საგარეო საქმეთა სამინისტრომ, ყველა მიღებული ნორმის დარღვევით, გადაწყვიტა კომენტარი გაეკეთებინა საკუთარი ქვეყნის პრეზიდენტის სიტყვებზე.
,,რია ნოვოსტის“ თხოვნით, აზერბაიჯანის საგარეო საქმეთა მინისტრის სპიკერმა ლეილა აბდულაევამ განაცხადა, რომ პრეზიდენტ ილჰამ ალიევის სიტყვებით ზანგეზურის დერეფანში სომხეთის ტერიტორიულ მთლიანობას საფრთხე არ ემუქრება.
გუშინწინ, ალიევი ერევანს ემუქრებოდა, რომ სომხეთის გავლით ზანგეზურის დერეფნის მშენებლობის საკითხს “ძალდატანებით” გადაწყვეტდა, თუ სომხური მხარე ამაზე ნებაყოფლობით უარს იტყოდა. ალიევი ზანგეზურს და ერევანს აზერბაიჯანის “ისტორიულ მიწებს” უწოდებს და აცხადებს, რომ აზერბაიჯანელ ხალხს აქვს დაბრუნების უფლება. სომხეთის საგარეო საქმეთა სამინისტრომ ალიევის განცხადებები და ზანგეზურის დერეფნის იძულებითი გზით გადაწყვეტის შესაძლებლობა აღწერა როგორც ქვეყნის ტერიტორიული მთლიანობის ხელყოფა.
სინამდვილეში, აზერბაიჯანის საგარეო საქმეთა სამინისტრო, რომელიც ალიევის სკანდალური განცხადების შემდეგ იძულებული გახდა “სიტუაცია გამოესწორებინა”, რთულ ვითარებაში აღმოჩნდა. “მთავარის” სიტყვების უარყოფას შეიძლება მოჰყვეს არა მხოლოდ თანამდებობიდან გათავისუფლება, არამედ სისხლისსამართლებრივი დევნა, ხოლო დადასტურება ნიშნავს ქვეყნის მკაცრად შელახული რეპუტაციის შემდგომ დაცემას.
”როგორც ყოველთვის, აზერბაიჯანის რესპუბლიკის პრეზიდენტმა საკმაოდ მკაფიოდ და კონკრეტულად გამოთქვა თავისი მოსაზრება. თუ სომხეთის საგარეო უწყებას სურს მოსმენილის წარმოდგენა როგორც სურს, ეს უკვე მიუთითებს მათ საძულველ განზრახვებზე. გვსურს მივიპყროთ მათი ყურადღება, ვისაც სურს კომენტარის გაკეთება ჩვენი პრეზიდენტის მოსაზრებების შესახებ, რომ 20 აპრილს ინტერვიუში აზერბაიჯანის პრეზიდენტმა ისაუბრა სომხეთში აზერბაიჯანის წინააღმდეგ შესაძლო რევანშიზმზე და ჩვენი ტერიტორიული მთლიანობის მიმართ შესაძლო საფრთხეებზე, ვინაიდან ეს ”ეროვნული თავდაცვის, ეროვნული უსაფრთხოების საკითხია”,- გაურკვევლად განუცხადა აბდულაევამ ,,რია ნოვოსტის“. მისი თქმით, ”ეს სომხეთის ტერიტორიული მთლიანობის მიმართ მუქარა კი არაა, როგორც სომხეთის საგარეო საქმეთა სამინისტრო აცხადებს, არამედ სომხეთის მხრიდან საერთაშორისოდ აღიარებული საზღვრების ფარგლებში აზერბაიჯანის ტერიტორიული მთლიანობის ნებისმიერ საფრთხეზე რეაგირების ჩვენი ზომების მიღების მაჩვენებელი”, -აშკარა სისულელე დასძინა აზერბაიჯანის საგარეო საქმეთა სამინისტროს წარმომადგენელმა.
აბდულაევამ თქვა, რომ თავის ინტერვიუში ალიევმა ასევე თქვა, რომ “აზერბაიჯანი მზადაა თანამშრომლობისთვის” და აღნიშნა, რომ “ჩვენ უნდა ვუყუროთ მომავალს”.
”როგორც ბევრჯერ იქნა ნათქვამი უმაღლეს დონეზე, აზერბაიჯანი მზადაა სომხეთთან ურთიერთობა მოაგვაროს საერთაშორისო სამართლის პრინციპების, კერძოდ, სუვერენიტეტის, ტერიტორიული მთლიანობისა და საზღვრების ხელშეუხებლობის საფუძველზე. 2020 წლის 10 ნოემბერს და 2021 წლის 11 იანვარს ხელმოწერილი სამმხრივი განცხადებების განხორციელება იგივე მიზანს ემსახურება”, – თქვა მან და აღნიშნა, რომ ერევანი ”იმის ნაცვლად, რომ შეასრულოს სამმხრივი განცხადება, ცდილობს შეცდომაში შეიყვანოს საერთაშორისო საზოგადოება თავისი ტყუილებით და ცილისწამებით”. ამრიგად, არ ასრულებს რა 10 ნოემბრის განცხადებას, აზერბაიჯანული მხარე, ისევ არ იშლის თავის აგრესიულ რიტორიკას, და თანაც ადანაშაულებს ერევანს, რომელიც ცდილობს დაიცვას თავისი უფლებები.
