არცახის რესპუბლიკის საგარეო საქმეთა სამინისტრომ განცხადება გაავრცელა ოპერაცია ,,კოლცოს“ 30 წლისთავთან დაკავშირებით.
”30 წლის წინ, 1991 წლის 30 აპრილს აზერბაიჯანის ხელისუფლებამ დაიწყო ოპერაცია ,,კოლცო“, რომელიც სამართლებრივად შეიძლება ჩაითვალოს ხალხების ისტორიული მიწებიდან გადასახლების ერთ – ერთ ყველაზე სისხლიან და არაადამიანურ ქმედებად.
ოპერაციის დროს, რომლის დროსაც მშვიდობიანი მოსახლეობის წინააღმდეგ პირველად იქნა გამოყენებული ტანკები, სამხედრო ვერტმფრენები და არტილერია, დაიცალა ასობით სომხური სოფელი ჩრდილოეთ არცახში, აგრეთვე შაჰუმიანის, ჰადრუთისა და შუშის რეგიონებში, ათიათასობით ადამიანი იძულებით გადაადგილებული გახდა , ასობით ადამიანი მოკლეს და ტყვედ აიყვანეს. მრავალის ბედი დღემდე უცნობია.
ოპერაცია ,,კოლცო“ გახდა აზერბაიჯანის გენოციდური პოლიტიკის კიდევ ერთი გამოვლინება და 1988-1991 წწ. სომხეთის ხოცვა-ჟლეტისა და ეთნიკური წმენდის ჯაჭვის გაგრძელება სუმგაითში, ბაქოში, კიროვაბადში, აზერბაიჯანის სომხებით დასახლებულ სხვა ქალაქებსა და რეგიონებში, აგრეთვე მთიანი ყარაბაღის ავტონომიურ ოლქში და ჩრდილოეთ არცახის დასახლებებში.
მან აზერბაიჯან-ყარაბაღის კონფლიქტი სამხედრო დონეზე გადაიტანა, მოგვიანებით კი აზერბაიჯანის მასშტაბური აგრესია გამოიწვია არცახის რესპუბლიკის წინააღმდეგ, რომელიც დღემდე გრძელდება. “კოლცო” ოპერაცია, 2016 წლის აპრილის ომი, თურქეთისა და აზერბაიჯანის მიერ სხვადასხვა ტერორისტული დაჯგუფების დაქირავებულთა დახმარებით 2020 წ. არცახის წინააღმდეგ 44-დღიანი ომის დროს აზერბაიჯანის შეიარაღებული ძალების მიერ ჩადენილი სამხედრო მოქმედებები და საერთაშორისო ჰუმანიტარული კანონის უხეში დარღვევები მოწმობენ იმაზე, რომ კაცობრიობის წინააღმდეგ ჩადენილი დანაშაულების მიმართ გულგრილობა და დაუსჯელობა იწვევს მათ განმეორებას”.
