120-ზე მეტმა ევროპარლამენტარმა ევროკომისიის პრეზიდენტს ურსულა ფონ დერ ლეიანს და ევროსაბჭოს პრეზიდენტს ჩარლზ მიშელს მოუწოდეს აზერბაიჯანისგან მოითხოვონ ყველა სომეხი ტყვის დაბრუნება სომხეთში.
როგორც „არმენპრესი“ იტყობინება, ინიციატივის ავტორები არიან: ევროპარლამენტის წევრი, სომხეთის საკითხებში მთავარი მომხსენებელი ანდრეი კოვაჩი, ფრანსუა-ხავიერ ბელამი და ლუკას ფურლასი.
ევროსაბჭოს დეპუტატებმა თავიანთ წერილში შეახსენეს, რომ სომხეთმა გაათავისუფლა ყველა დაკავებული სამხედრო ტყვე, ერთგული დარჩა რა 2020 წლის ნოემბერში ხელმოწერილი სამმხრივი დეკლარაციის სულისკვეთების. ,,აზერბაიჯანი არა მხოლოდ აგრძელებს სომეხი სამხედრო ტყვეების დაკავებას, არამედ არსებობს ეჭვი, რომ მან შეიპყრო ახალი ადამიანები, მათ შორის სამოქალაქო პირები, საომარი მოქმედებების ოფიციალური შეწყვეტის შემდეგ. ძნელია დააზუსტოთ სამხედრო ტყვეთა და ტყვეთა რაოდენობა, რადგან უამრავი ადამიანი დაკარგულია და აზერბაიჯანის მხარე არ თანამშრომლობს სათანადოდ, მაგრამ საუბარია 72 ადამიანზე, რომელთა დაკავება აზერბაიჯანმა მიიღო, ასევე იმ 112 ადამიანის თაობაზე, რომელთა შესახებ აზერბაიჯანი არ იძლევა ინფორმაციას და იმ 61 ადამიანის შესახებ, რომელთა ტყვეობასაც უარყოფს აზერბაიჯანი, მაგრამ ამის შესახებ საწინააღმდეგო ფაქტები არსებობს”, – თქვეს ევროდეპუტატებმა.
მათ განსაკუთრებით აღნიშნეს, რომ ეს არა მხოლოდ საერთაშორისო სამართლის დარღვევაა, არამედ ეწინააღმდეგება აზერბაიჯანის დაჟინებებს ნორმალიზაციისა და შერიგების შესახებ.
პარლამენტარებმა განაცხადეს, რომ აზერბაიჯანის მხარეს დაკავებული სომხები უნდა განთავისუფლდნენ ყოველგვარი წინაპირობების გარეშე.
ისინი შეეხნებ ტყვე ჯარისკაცებისა და მშვიდობიანი მოქალაქეების მიმართ წამებისა და ძალადობის ფაქტებს, რომელთა უტყუარი მტკიცებულებაა აზერბაიჯანელების მიერ ამ ვიდეოების ინტერნეტში გამოქვეყნება.
,,ევროპის მეგობარმა ქვეყანამ, სომხეთმა, ამ კონფლიქტში უკვე გადაიხადა ძალიან დიდი ფასი და აგრძელებს ტანჯვას ამ არაადამიანურ ვითარებაში. ბევრი სომეხი ოჯახი კვლავ ელოდება იმის გარკვევას, მათი შვილები მოკლეს თუ ტყვედ ჩავარდნენ ომის დროს და ამიტომ მათი სიცოცხლე საფრთხეშია.
ევროკავშირს აღარ შეუძლია სომხეთის მარტო დატოვება ამ გაუსაძლის სიტუაციაში, ჩვენ უნდა ვიმოქმედოთ ისე, რომ ძალადობა კიდევ ერთხელ არ გაბატონდეს კანონზე. ჩვენ ვამაყობთ პრინციპებით, რომლებიც გვაერთიანებს, ამ ღირებულებებმა უნდა გვაიძულოს გამოვიყენოთ ჩვენი წონა და ყველა ბერკეტი, რომ აზერბაიჯანმა მოითხოვოს საერთაშორისო სამართლის პატივისცემა. თუ ევროპა შეასრულებს თავის ვალდებულებებს, უნდა დარწმუნდეს, რომ მისი საერთაშორისო სამართლის დარღვევები არ გახდება ტრაგიკული პრეცედენტი. წინააღმდეგ შემთხვევაში, სიჩუმე და უმოქმედობა გახდება ისტორიული პასუხისმგებლობა.
,,როგორც ევროპარლამენტის წევრები, მოგიწოდებთ იმოქმედოთ და მოითხოვოთ ყველა სომეხი სამხედრო ტყვეების დაბრუნება თავიანთ ქვეყანაში”, – ნათქვამია წერილში.
