თავდაცვის მინისტრის მოვალეობის შემსრულებელი ვაღარშაკ ჰარუთიუნიანი ირწმუნება, რომ დამოუკიდებელი სომხეთის აღიარებული საზღვრები სრულად არის დაცული. ამის შესახებ ჰარუთიუნიანმა განაცხადა პარლამენტში კითხვა-პასუხის სესიის დროს, პასუხი გასცა რა “ნათელი სომხეთის” ფრაქციის წევრის, სრბუჰი გრიგორიანის კითხვას.
”ის საზღვარი, რომელიც გათვალისწინებული იყო საბჭოთა კავშირით და დამოუკიდებელი სომხეთის აღიარებული საზღვარი, სრულად არის დაცული. არის ადგილები, სადაც 50 მეტრით წინ ვართ, არის ადგილები, რომლებიც საპირისპიროა. ეს გამოწვეულია იმით, რომ შეუძლებელია პოზიციის განთავსება ისე, რომ შესაძლებელი იყოს უსაფრთხოების დაცვა და კონტროლი”, – თქვა ჰარუთიუნიანმა.
მინისტრის მოვალეობის შემსრულებელმა აღნიშნა, რომ ეს საკითხები უნდა გადაწყდეს დემარკაციის დროს, მაგრამ ხაზი გაუსვა, რომ ამჟამად არ არსებობს ინციდენტები, რასაც მოჰყვება მსხვერპლი და დაჭრები.
