პარლამენტის დათხოვნისა და რიგგარეშე საპარლამენტო არჩევნების ჩატარების მიზნით მოწვეულ ეროვნულ ასამბლეის საგანგებო სხდომაზე სიტყვით გამოსვლისას, სომხეთის რესპუბლიკის პრემიერ-მინისტრის მოვალეობის შემსრულებელი ნიკოლ ფაშინიანი, რომელიც მეორედ იყო წარდგენილი ფრაქცია “ჩემი ნაბიჯის” მიერ, შეეხო მისი მმართველობის პერიოდში სომხეთში რეგისტრირებულ ეკონომიკურ მაჩვენებლებს.
”დღეს ვერ ნახავთ ბიზნესმენს, რომელიც იტყვის, რომ საგადასახადო სამსახური მას ”ატყავებს”, – თქვა ფაშინიანმა და დასძინა, რომ 2018 წლის შემდეგ სომხეთში ყველას დაავიწყდა ე.წ. ”საგადასახადო ზეგადასახადად” წოდებული ტერმინის შესახებ, რის გამოც, მის მიხედვით, ყოფილი ხელისუფლება ბიზნესიდან ზედმეტად გადახდილი თანხით ბიუჯეტს უზრუმნველყოფდნენ.
“2018 წლის შემდეგ გსმენიათ სადმე, რომ ვინმეს წილი ექნება რაიმე ბიზნესში? გსმენიათ ვინმეს იფიქროს, რომ მისი ქონება კვლავ დარჩება მათ საკუთრებად, თუ ვინმე მოვა და იტყვის, რომ 10, 20, 50 პროცენტი ან მთელი ჩემია”, – თქვა მან.
ფაშინიანის თქმით, სომხეთში გაქრა მონოპოლიები, როდესაც ვინმეს ჰქონდა გარკვეული საქონლის შემოტანის უფლება, ზოგს კი არა.
მან შეახსენა, რომ კანონით გათვალისწინებული 6 თვის ნაცვლად, ამჟამინდელმა მთავრობამ ბიზნესმენებს დაუდგინა 1 თვიანი დღგ-ს დაბრუნების პერიოდი, რის შედეგადაც მთავრობამ 2 წლის განმავლობაში დააბრუნა ბიზნესის მიმართ 500 მილიარდი დრამის დავალიანება და დღეს ვადაგადაცილებული ვალი არ აქვს.
ფაშინიანმა ასევე აღნიშნა საშემოსავლო გადასახადის და მოგების გადასახადის შემცირების ინიციატივები, რის შედეგადაც 2023 წლის 1 იანვრიდან სომხეთში იმოქმედებს მოსწორებული 20% საშემოსავლო გადასახადი. მოგების გადასახადი კი უკვე განისაზღვრა 18% -ით, 20% -ის ნაცვლად.
პრემიერ-მინისტრის მოვალეობის შემსრულებელმა ასევე განაცხადა, რომ 2018 წლის 1 მარტთან შედარებით, 2021 წლის 1 მარტს სომხეთში რეგისტრირებული სამუშაოების რაოდენობა 85 038-ით გაიზარდა, რაც, მისივე თქმით, ჩრდილოვანი სამუშაო ადგილების შემცირებაზე მეტყველებს.
”დიდი ხნის განმავლობაში, სამწუხაროდ, ახლაც არის სომხეთში ჩრდილოვანი ხელფასის ინსტიტუტი, როდესაც ერთი ხელფასი დარეგისტრირდება, მაგრამ მიიღება სხვა ხელფასი. “მაგრამ ჩვენ აქ სერიოზულ წარმატებებსაც მივაღწიეთ. 2018 წლის 1 მარტთან შედარებით, 2021 წლის 1 მარტს, ჩვენ გვაქვს 36% -იანი ზრდა საერთო სახელფასო ფონდში, ჯამში 34 მილიარდი დრამით”, – თქვა ფაშინიანმა.
ეკონომიკურ კანონმდებლობაში ყველაზე მნიშვნელოვან ცვლილებად კი ნიკოლ ფაშინიანი ქონების გადასახადის განაკვეთის გადახედვას მიიჩნევს.
