სტეფანაკერტის აეროპორტი მზად არის, მაგრამ ექსპლუატაციის შესახებ ჯერ გადაწყვეტილება მიღებული არ არის. ინფორმაცია Sputnik სომხეთს მიაწოდა არცახის უსაფრთხოების საბჭოს მდივანმა ვიტალი ბალასანიანმა.
”სტეფანაკერტის აეროპორტი ახლა ტექნიკურად არის აღჭურვილი, ის მზად არის ექსპლუატაციისთვის. მოლაპარაკებებს ატარებენ რუსეთის სამშვიდობო ძალები. მარტივი მიზანია დასახული, რომ ჰუმანიტარული ტვირთი დაეშვას სტეფანაკერტის აეროპორტში”, - აღნიშნა ბალასანიანმა.
ექსპლუატაციის შესახებ გადაწყვეტილება ჯერ-ჯერობით მიღებული არ არის.
თავის მხრივ, არცახის საგარეო საქმეთა მინისტრმა დავით ბაბაიანმა Sputnik სომხეთს განუცხადა, რომ აეროპორტის ფუნქციონირება კვლავ რჩება ერთ-ერთ მთავარ საკითხად.
”ვფიქრობ, ამას დრო სჭირდება”, – აღნიშნა ბაბაიანმა.
მინისტრი არ გამორიცხავს, რომ მომავალში შესაძლებელი იქნება აეროპორტის გამოყენება სამგზავრო ფრენებისათვის, მაგრამ ”ამ მიმართულებით უნდა ვიმუშაოთ”.
შეგახსენებთ, რომ 2020 წლის ბოლოს გამოჩნდა ინფორმაცია, რომ სტეფანაკერტის აეროპორტი მალე დაიწყებს მუშაობას.
აღსანიშნავია, რომ სტეფანაკერტის აეროპორტი განახლებული და თვითმფრინავების მისაღებად მზად იყო უკვე 2012 წელს. მაგრამ, ეს არ მოხდა ბაქოს რეაქციის გამო.
