აზერბაიჯანის საგარეო საქმეთა სამინისტრომ სომეხი ტყვეების განთავისუფლების მოწოდებაზე კომენტარი გააკეთა უსაზღვრო თვალთმაქცობით, კიდევ ერთხელ თავდაყირა დააყენა ყველაფერი.
”ოფიციალური ბაქო მხარს უჭერს საერთაშორისო საზოგადოების მოწოდებებს სომხეთ-აზერბაიჯანის სახელმწიფო საზღვარზე დაძაბულობის მშვიდობიანი გზით მოგვარებისა და დელიმიტაციისა და დემარკაციის შესახებ”, – აღნიშნა აზერბაიჯანის საგარეო საქმეთა სამინისტროს წარმომადგენელმა ლეილა აბდულაევამ.
ამავე დროს, ცივილიზებულ სამყაროს დღემდე არ გააჩნია დემარკაციის რაიმე მაგალითი დიპლომატიური ურთიერთობის არ მქონე ქვეყნებს შორის.
”ჩვენ არაერთხელ განვაცხადეთ, რომ მხარს ვუჭერთ მოწოდებებს მოლაპარაკებების გზით დაძაბულობის შესასუსტებლად. აზერბაიჯანი ასევე მხარს უჭერს წინადადებას, შეიქმნას სამმხრივი კომისია დემარკაციისა და დელიმიტაციის საკითხებზე”, – აღნიშნა აბდულაევამ.
ამავე დროს, მან აღნიშნა, რომ საზღვრის დემარკაციისა და დელიმიტაციის ჩატარების შემთხვევაში საჭიროა პატივისცემით მოეკიდონ ორი ქვეყნის ტერიტორიულ მთლიანობას.
კომენტარი გააკეთა რა ეუთოს მინსკის ჯგუფის თანათავმჯდომარეების განცხადებაზე, აბდუალევამ აღნიშნა, რომ ”აზერბაიჯანმა 6 შეიარაღებული სამხედრო დააკავა თავისი შეიარაღებული ძალების წინააღმდეგ პროვოკაციების დროს” (იმ დროს აზერბაიჯანული ნაწილები იმყოფებოდნენ სომხეთის საზღვრიდან 1,5-2,5 კმ-ში).
”მიუხედავად იმისა, რომ ქვეითსაწინააღმდეგო ნაღმები, რომლებიც სომხეთმა განათავსა აზერბაიჯანის განთავისუფლებულ ტერიტორიებზე, ყოველდღე საფრთხეს უქმნის ხალხს, სომხეთი უარს ამბობს ინფორმაციის მიწოდებაზე ამ ნაღმების ადგილმდებარეობის შესახებ. ამრიგად, სამხედრო მოსამსახურეების გაცვლის შემოთავაზებამდე თანათავმჯდომარეებს უნდა გაეთვალისწინებინათ მათი დაპატიმრების მიზეზები”, – თქვა მან და აღნიშნა, რომ თანათავმჯდომარეებს შეუძლიათ როლი შეასრულონ რეგიონში მშვიდობის უზრუნველყოფის საქმეში.
აზერბაიჯანის საგარეო საქმეთა სამინისტროს წარმომადგენლის ამ ფარისევლურ განცხადებას ნამდვილად არ აქვს საზღვრები. აზერბაიჯანი არ ასრულებს სამმხრივი განცხადების დებულებებს, არ აბრუნებს ტყვეებს, არღვევს სომხეთის ტერიტორიულ მთლიანობას, და სწორედ აზერბაიჯანმა გამოიყენა აკრძალული იარაღი ომის დროს.
