პრემიერ-მინისტრის მოვალეობის შემსრულებელი ნიკოლ ფაშინიანი საფრანგეთში ვიზიტის დროს შეხვდა ეროვნული ასამბლეის სპიკერს რიჩარდ ფერანდს.
ეროვნული ასამბლეის სპიკერი მიესალმა ნიკოლ ფაშინიანის ვიზიტს პარიზში, მიულოცა დაბადების დღე და უსურვა წარმატებები სამომავლო საქმიანობაში. ”ბატონო პრემიერ მინისტრო, სომხეთი მეგობრული ქვეყანაა საფრანგეთისთვის. ჩვენ დიდ მნიშვნელობას ვანიჭებთ ორმხრივი ურთიერთობების უწყვეტ განვითარებას და გაფართოებას. სომხეთისთვის რთულ პერიოდში ჩვენ მუდმივი კონტაქტი გვქონდა სომეხ კოლეგებთან, ჩვენი დეპუტატები სომხეთის გვერდით იყვნენ. ჩვენი ნაბიჯებით ჩვენ გავაგრძელებთ მონაწილეობას სომეხი ხალხის წინაშე წამოჭრილი გამოწვევების დაძლევაში”, – თქვა რიჩარდ ფერანდმა.
ნიკოლ ფაშინიანმა მადლობა გადაუხადა თბილი მიღებისთვის და აღნიშნა, რომ სომხეთმა ყველა რთულ პერიოდში იგრძნო მეგობრული საფრანგეთის, მათ შორის სენატისა და ეროვნული ასამბლეის დეპუტატების მხარდაჭერა. ”საქმე მხოლოდ პოლიტიკოსებს არ ეხება მხოლოდ, ერთი თვის წინ ჩატარდა გამოკითხვა სომხეთში. კითხვაზე რომელ ქვეყანას თვლით სომხეთის მეგობრად, გამოკითხულთა უმრავლესობამ უპასუხა, რომ საფრანგეთს. ბუნებრივია, ჩვენ დაინტერესებულნი ვართ, რომ საფრანგეთი სომხეთში უფრო მეტად იყოს წარმოდგენილი”, – თქვა ნიკოლ ფაშინიანმა და აღნიშნა, რომ სომხეთში ფრანგული ბიზნესის და ინვესტორების ყოფნა გაფართოვდა. პრემიერ-მინისტრის მოვალეობის შემსრულებელმა ხაზი გაუსვა, რომ ორმხრივი ურთიერთობებში ეკონომიკურმა კომპონენტმა უნდა გადაწონოს.
