პრემიერ-მინისტრის მოვალეობის შემსრულებელი ნიკოლ ფაშინიანი ბრიუსელში შეხვდა ბელგიის სამეფოს პრემიერ-მინისტრს ალექსანდრე დე კროს.
როგორც განაცხადა სომხეთის პრემიერ-მინისტრის აპარატის საზოგადოებასთან ურთიერთობის დეპარტამენტმა, მხარეებმა მნიშვნელოვნად მიიჩნიეს სომხეთსა და ბელგიას შორის პოლიტიკური და ეკონომიკური ურთიერთობების უწყვეტი განვითარება და ამ კონტექსტში მაღალი დონის კონტაქტების როლი.
ნიკოლ ფაშინიანმა და ალექსანდრე დე კრომ ხაზი გაუსვეს ორი ქვეყნის მთავრობების დაინტერესებას სავაჭრო-ეკონომიკური კავშირების გაფართოების, ეკონომიკის სხვადასხვა დარგებში ერთობლივი პროგრამების და სომხეთში დემოკრატიული გარდაქმნების განხორციელების საქმეში. ამ თვალსაზრისით, განხორციელდა სომხეთსა და ევროკავშირს შორის ყოვლისმომცველი და გაფართოებული პარტნიორობის ხელშეკრულების ფარგლებში გათვალისწინებული „საგზაო რუქის“ ღონისძიებები.
ალექსანდრე დე კრომ აღნიშნა, რომ დაგეგმილია ბელგიის სავაჭრო მისიის ვიზიტი სომხეთში, რომელიც შეისწავლის ორ ქვეყანას შორის სავაჭრო და საინვესტიციო ურთიერთობების განვითარების პერსპექტივებსა და შესაძლებლობებს. ვიზიტი დაგეგმილია ბელგიაში სომხური თემის დაარსების 100 წლის იუბილესთან დაკავშირებით.
შეხვედრაზე მხარეებმა ისაუბრეს აზერბაიჯანის შეიარაღებული ძალების ქვედანაყოფების პროვოკაციულ ქმედებებზე სომხეთ-აზერბაიჯანის საზღვარზე, ხაზი გაუსვეს სომხეთის სუვერენული ტერიტორიიდან ამ უკანასკნელის გასვლისა და სიტუაციის მშვიდობიანი გადაწყვეტის აუცილებლობას. ბელგიის პრემიერ-მინისტრმა აღნიშნა, რომ ის, რაც ხდება, შეშფოთებას იწვევს, საკითხი მათ ყურადღების ცენტრშია.
ორივე მხარემ ასევე აღნიშნა აზერბაიჯანში დაკავებული სომეხი სამხედრო ტყვეების დაბრუნების უზრუნველყოფა და მთიანი ყარაბაღის კონფლიქტის მოგვარების პროცესის აღდგენა ეუთოს მინსკის ჯგუფის ფარგლებში.
