ტყვეების დაბრუნებაზე აზერბაიჯანის უარი სამხედრო დანაშაულის ტოლფასია. ამის შესახებ სომხეთის ადამიანის უფლებათა დამცველმა არმან თათოიანმა განაცხადა 4 ივნისს ჟურნალისტებთან ინტერვიუში.
მან შეახსენა, რომ აზერბაიჯანი მანიპულირებს ტყვეების დაბრუნების საკითხით და აღნიშნა, რომ ამ საკითხში აუცილებელია აზერბაიჯანის ხელისუფლებაზე საერთაშორისო ზეწოლის გაგრძელება.
”სამხედრო კონფლიქტი არ დასრულებულა, რაც ნიშნავს, რომ საუბარია სამხედრო ტყვეებზე. აზერბაიჯანული მხარის არგუმენტები იმის შესახებ, რომ ტყვედ ჩავარდნილ სომხებს მშვიდობიანი მოსახლეობის დაშინება სურდათ, რბილად რომ ვთქვათ, დამაჯერებელი არ არის, რადგან მათ ავიწყდებათ, რომ აზერბაიჯანის მშვიდობიანი მოსახლეობა საომარი მოქმედებების ზონის მიღმა იყო. ამას მუდმივად ვახსენებ ჩემს საერთაშორისო პარტნიორებს. ”რაც შეეხება ჩვენს მუშაობას, ის ხორციელდება, მათ შორის, ახლახან ტყვედ ჩავარდნილი ექვსი სომეხი სამხედრო მოსამსახურის დაბრუნების ჩათვლით”, – აღნიშნა სახალხო დამცველმა.
