სომხეთში წინასაარჩევნო პროცესი ამ ეტაპზე ნორმალურად მიმდინარეობს. ამის შესახებ ჟურნალისტებთან ბრიფინგზე განაცხადა დსთ-ს სადამკვირვებლო მისიის ხელმძღვანელმა ილჰომ ნემატოვმა და დასძინა, რომ დსთ-ს დამკვირვებლებს ამჟამად რაიმე საჩივარი არ მიუღიათ.
”ჩვენმა დამკვირვებლებმა განიხილეს პოლიტიკური ძალების შტაბებში არსებული ინფორმაცია. ამ ეტაპზე ჯერ გადმოსაცემი რაიმე ინფორმაცია არ არსებობს”, – აღნიშნა მან.
ნემატოვმა აცნობა ისიც, რომ არჩევნების დღეს, 20 ივნისს, დსთ-ს დამკვირვებლები იმუშავებენ უბნების გახსნიდან 08:00 საათიდან დაწყებული. სადამკვირვებლო ჯგუფის წევრთა უმეტესობა არჩევნების დღეს ერევანში იმუშავებს, დანარჩენები კი რეგიონებში გაემგზავრებიან.
