ვაქცინაციამ 70 000-ს გადააჭარბა. სომხეთი ახალი ვაქცინების შემოტანას გეგმავს
COVID-19– ის საწინააღმდეგო ვაქცინაციების რიცხვი სომხეთში დღეს 70 000-ს გადააჭარბებს. ამის შესახებ სომხეთის მთავრობის სხდომის დასრულების შემდეგ ჟურნალისტებთან ბრიფინგზე განაცხადა ჯანდაცვის მინისტრის მოვალეობის შემსრულებელმა ანაჰიტ ავანესიანმა.
”არჩევნების შემდეგ, ამ ორი დღის განმავლობაშიც კი, ტემპის მნიშვნელოვან ზრდას ვამჩნევთ. მე ადრეც მითქვამს, რომ დაძაბული წინასაარჩევნო ვითარების გამო, ხალხის პრიორიტეტები შეიცვალა”, – თქვა ავანესიანმა და იმედი გამოთქვა, რომ ვაქცინაციის ტემპი უახლოეს მომავალში გაიზრდება.
მან აღნიშნა, რომ სომხეთში კორონავირუსის ამჟამინდელი მდგომარეობა საკმაოდ მშვიდია, მაგრამ ეპიდემიის დასრულების ერთადერთი გზა ვაქცინაციაა.
”ჩვენ ვმუშაობთ, ვიმედოვნებთ, რომ შემოდგომაზე უკვე გვექნება ჯონსონის ვაქცინა, რომლის ინექციაც მოხდება ერთ დოზაში და ”ნოვოვაქცინა”, – თქვა მან.
მინისტრის მოვალეობის შემსრულებელმა კვლავ მოუწოდა მოქალაქეებს ვაქცინაცია ჩაიტარონ შვებულებაში გასვლამდე და შვებულების სეზონში და აღნიშნა, რომ 70 000 ვაქცინაციას შორის არანაირი შემაშფოთებელი შემთხვევა არ დაფიქსირებულა.
