“ფეხბურთის მატჩები დიქტატორისთვის”. გერმანული პერიოდიკა ევრო -2020 ბაქოს თამაშების შესახებ
“ფეხბურთის მატჩები დიქტატორისთვის”. ასე დაასათაურა გერმანელმა ZDF- ის მიმომხილველმა მარსელ მურხარდტმა ბაქოში ჩატარებული ევროპის საფეხბურთო ჩემპიონატის თამაშების შესახებ მისი ანალიტიკური გაშუქება.
”2020 წლის ომის შემდეგ, აზერბაიჯანი ახლა ცდილობს თავი წარმოაჩინოს, როგორც მეგობრული, სტუმართმოყვარე სახელმწიფო, ამავე დროს, ავტორიტარული სახელმწიფოს მეთაური ცდილობს გამოიყენოს სპორტი, როგორც შოუ”, – იწყებს სტატიას მურხარდი.
“მარგალიტები” ბაქოში ჰკიდია, როგორც აზერბაიჯანის გამარჯვების მტკიცებულება, რომელმაც ათასობით ადამიანის სიცოცხლე შეიწირა. პრეზიდენტმა ალიევმა სომხეთზე გამარჯვებას არაერთხელ უწოდა, როგორც ‘’სიძულვილზე” გამარჯვება.
ანალიტიკოსის აზრით, ბაქოს სტადიონი იყო პოლიტიკური პლატფორმა. მიუხედავად იმისა, რომ უეფა ამტკიცებს, რომ ის მკაცრად მიჯნავს პოლიტიკასა და სპორტს, მაგრამ ალიევს ეს არ აინტერესებს.
სტატიაში ასევე საუბარია ერდოღანსა და ალიევს შორის “ძმობაზე”. ერდოღანი ესწრებოდა უელსის და თურქეთის მატჩებს ევროპის ჩემპიონატის ჯგუფურ ეტაპზე. ისინი ერთმანეთს “ძმებად” თვლიან. ერდოღანმა მხარდაჭერა გამოუცხადა ალიევს სომხეთის წინააღმდეგ ომის დროს და ჯგუფური ეტაპის დაწყებამდე იგი ალიევთან ერთად ეწვია ქალაქ შუშის.
მურხარდი წერს, რომ აზერბაიჯანში არსებობს თავის მოკვეთისა და წამების ფაქტები, Amnesty International– ზე დაყრდნობით, სადაც ნათქვამია, რომ აზერბაიჯანის არმიამ ჩაიდინა სამხედრო დანაშაულები ყარაბაღში, ასევე განახორციელა არასათანადო მოპყრობა სამხედრო ტყვეების მიმართ და სამხედრო გვამების შეურაცხყოფა. ამ შემთხვევაში, უეფა ავტორიტარული სახელმწიფოს ხელის სათამაშოა. ”ომის მიუხედავად, ბაქო არასდროს უნდა იყოს ასეთი ღონისძიების ადგილი. როგორც ჩანს, უეფას არა აქვს მორალური ორიენტაცია. ”ასეთი გადაწყვეტილების მიმღები პირები გაუმჭვირვალედ მოქმედებენ, მიდრეკილი არიან კორუფციისკენ”, – თქვა გერმანიის სოციალ-დემოკრატიული პარტიის წევრმა ფრანკ შვაბემ.
მიმომხილველის აზრით, აზერბაიჯანი უეფას მილიონებს აძლევს. ფაქტია, რომ აზერბაიჯანულმა კომპანია “სოკარ”-მა მილიონობით დოლარის მფარველობა განახორციელა, მაგრამ უეფა ამაზე არ საუბრობს.
