პრემიერ-მინისტრის მოვალეობის შემსრულებელმა ნიკოლ ფაშინიანმა მიიღო სომხეთში რუსეთის ფედერაციის საგანგებო და სრულუფლებიანი ელჩი სერგეი კოპირკინი. ამის შესახებ “არმენპრესს” აცნობეს სომხეთის პრემიერ-მინისტრის აპარატის ინფორმაციისა და საზოგადოებასთან ურთიერთობის დეპარტამენტიდან. ნიკოლ ფაშინიანმა აღნიშნა, რომ სომხეთის მთავრობა დიდ მნიშვნელობას ანიჭებს სომხეთ-რუსეთის სამოკავშირეო ურთიერთობების განუწყვეტელ განვითარებას პოლიტიკურ, ეკონომიკურ, უსაფრთხოების და ჰუმანიტარულ სფეროებში. პრემიერ-მინისტრის მოვალეობის შემსრულებლის თქმით, ორ ქვეყანას თანამშრომლობის ფართო დღის წესრიგი აქვთ, რომლის განხორციელებაზე მთავრობები დინამიურად მუშაობენ. ნიკოლ ფაშინიანმა ხაზი გაუსვა სომხეთ-რუსეთის სტრატეგიულ თანამშრომლობას რეგიონში არასტაბილური სიტუაციის დაძლევის კონტექსტში, ხაზი გაუსვა რუსეთის მნიშვნელოვან როლს უსაფრთხოების უზრუნველყოფაში. ელჩ კოპირკინის თქმით, სომხეთთან სამოკავშირეო ურთიერთობების განვითარებას უდიდესი მნიშვნელობა აქვს რუსეთისთვის, რასაც მოწმობს ორი ქვეყნის ლიდერების, აგრეთვე მთავრობების წარმომადგენლების აქტიური დიალოგი, კონტაქტები და თანამშრომლობა. შეხვედრაზე საუბარი შეეხო სომხეთ-რუსეთის ურთიერთობების დღის წესრიგს, რეგიონში განვითარებულ მოვლენებს და ორმხრივი დაინტერესების მქონე სხვა საკითხებს.
