სომხეთის ჯანდაცვის სამინისტრომ შეიტანა ცვლილებები უცხოელების ვაქცინაციის პროცედურაში. 15 ივლისიდან ვაქცინის მიღება შეეძლებათ მხოლოდ იმ უცხო ქვეყნის მოქალაქეებს, რომლებიც 10 ან მეტი დღის განმავლობაში დარჩებიან სომხეთში. ამის შესახებ აღნიშნა სომხეთის ჯანდაცვის სამინისტროს სპიკერმა, ჰრიფსიმე ხაჩატრიანმა. მანამდე ჯანდაცვის მინისტრის მოვალეობის შემსრულებელმა ანაჰიტ ავანესიანმა, ვაქცინაციის მსურველ უცხოელთა რიგზე საუბრისას, განაცხადა, რომ გადაწყვეტილების თანახმად, სომხეთში უცხოელებს ვაქცინაცია მხოლოდ მობილურ ადგილებში შეეძლებათ. პოლიკლინიკები მოემსახურებიან მხოლოდ სომხეთის რესპუბლიკის მოქალაქეებს, მათ, ვინც აქ ცხოვრობს ბინადრობის უფლებით.
