ცესკომ ახლადარჩეული ეროვნული კრების პირველი სესიის მოწვევის დღე გამოაცხადა

მერვე მოწვევის ეროვნული კრების პირველი სესია მოიწვევა 2 აგვისტოს. “არმენპრესის” ცნობით, ამის შესახებ ცენტრალური საარჩევნო კომისიის საგანგებო სხდომაზე პარლამენტის წევრების რეგისტრაციის ოქმის ხელმოწერის, მანდატების განაწილებისა და ცესკოს ყველა წევრის ხელმოწერის შემდეგ განაცხადა ცენტრალური საარჩევნო კომისიის თავმჯდომარემ ტიგრან მუკუჩიანმა.

“სომხეთის რესპუბლიკის ეროვნული კრების 2021 წლის 20 ივნისის რიგგარეშე არჩევნებით ახლად არჩეული ეროვნული კრების პირველი სესიის მოწვევის დღე გამოცხადებულია 2021 წლის 2 აგვისტო, ორშაბათს, 10:00 საათზე”, – განაცხადა ცესკოს თავმჯდომარემ ტიგრან მუკუჩიანმა.

მან შეახსენა, რომ კანონის თანახმად, ეროვნული კრების რიგგარეშე არჩევნების შემთხვევაში პირველი სხდომა მოიწვევა ახლად არჩეული ეროვნული კრების ფორმირებიდან მეორე ორშაბათს, 10:00 საათზე.