30 ივლისს აზერბაიჯანის შეიარაღებულმა ძალებმა კიდევ ერთხელ მოახდინეს პროვოცირება სომხეთ-აზერბაიჯანის საზღვარზე ნახჭევანის მიმართულებით. კერძოდ, 11:20 საათიდან 11:30 საათამდე, აზერბაიჯანულმა ქვედანაყოფებმა ცეცხლი გახსნეს ერასხის მონაკვეთზე სნაიპერული თოფებით და სხვადასხვა კალიბრის ცეცხლსასროლი იარაღით. ამის შესახებ ინფორმაციას სომხეთის თავდაცვის სამინისტრო ავრცელებს.
მტრის ცეცხლი დადუმდა საპასუხო მოქმედებების შემდეგ. სომხეთის მხრიდან მსხვერპლი არ არის.
