დღეს იწყება ევროპის საბჭოს საპარლამენტო ასამბლეის საშემოდგომო სესია, რომელიც სტრასბურგში 27-30 სექტემბერს ჰიბრიდულად ჩატარდება. სესიის პირველ დღეს განიხილება მოხსენება “სომხეთ-აზერბაიჯანის კონფლიქტის ჰუმანიტარული შედეგები”, რომელიც მოამზადა პოლ გავანმა.
ანგარიშის პროექტში საპარლამენტო ასამბლეა გულისტკივილს გამოთქვამს სომხეთ-აზერბაიჯანის კონფლიქტის ტრაგიკულ ჰუმანიტარულ შედეგებზე. ნათქვამია, რომ ამ კონფლიქტს ჰქონდა ორი ძირითადი კულიმინაცია, პირველი 1991 წლის ბოლოდან 1994 წლამდე და მეორე 2020 წლის ექვსკვირიანი ომი.
ანგარიშში პოლ გავანმა წარმოადგინა სომხეთსა და აზერბაიჯანში ვიზიტების შედეგად მიღებული ინფორმაცია.
