სომხეთის, რუსეთისა და აზერბაიჯანის საგარეო საქმეთა მინისტრების შეხვედრა 14 ოქტომბერს ბელორუსის დედაქალაქ მინსკში, რუსული მხარის ინიციატივით შედგა.
საგარეო საქმეთა მინისტრებმა განიხილეს მთიანი ყარაბაღის კონფლიქტთან დაკავშირებული საკითხები, მათ შორის 2020 წლის 9 ნოემბრის სამმხრივი განცხადების განხორციელება.
სომხეთის რესპუბლიკის საგარეო საქმეთა მინისტრმა არარატ მირზოიანმა შეაფასა რუსეთის საშუამავლო ძალისხმევა ცეცხლის შეწყვეტის მიმართულებით, ხოლო არცახელი სომხების უსაფრთხოების უზრუნველყოფის კონტექსტში ხაზგასმით აღნიშნა რუსი სამშვიდობოების ყოფნა მთიან ყარაბაღში.
ამავდროულად, მინისტრმა მირზოიანმა მხარეების ყურადღება მიიქცია იმ ფაქტზე, რომ 9 ნოემბრის განცხადების ზოგიერთი დებულება ჯერ არ არის შესრულებული, ამ კონტექსტში მან ხაზი გაუსვა სხვა სომეხი სამხედრო ტყვეების დაუყოვნებლივ და უპირობო დაბრუნების აუცილებლობას.
ეუთოს მინსკის ჯგუფის თანათავმჯდომარეების შუამავლობით ნიუ იორკში გამართულ შეხვედრაზე საუბრისას, მინისტრმა მირზოიანმა კიდევ ერთხელ დაადასტურა, რომ მთიანი ყარაბაღის კონფლიქტის ყოვლისმომცველი მოგვარება უნდა განხორციელდეს ეუთოს მინსკის ჯგუფის თანათავმჯდომარეობის ფორმატით.
