რუსეთი გეგმავს უახლოეს მომავალში სომხეთის ეკონომიკაში 1 მილიარდი დოლარის ინვესტიციის ჩადებას, განაცხადა რუსეთის ეკონომიკური განვითარების მინისტრის მოადგილემ დიმიტრი ვოლვაჩმა სომხურ-რუსულ მე-8 ფორუმზე. მისი თქმით, ეს იქნება სერიოზული წვლილი სომხეთსა და რუსეთს შორის ეკონომიკური, სოციალური და კულტურული ურთიერთობების განვითარებაში, ახალი ტექნოლოგიური სამუშაო ადგილების შექმნაში, იუწყება TASS.
“2021 წ. ჩვენი სავაჭრო ბრუნვის აღდგენის მაჩვენებლები ცუდი არ არის – 17% -იანი ზრდა. ეს იმისდა მიუხედავად, რომ ეპიდემიის წლის განმავლობაში მან განიცადა ვარდნა თითქმის 4%-ით. ასევე იზრდება ჩვენი საინვესტიციო თანამშრომლობა. ამჟამად რუსეთიდან სომხეთში 2,2 მილიარდ დოლარზე მეტი ინვესტიციაა განხორციელებული. ჩვენ ვიცით, რომ არსებობს 1 მილიარდ დოლარზე მეტი ღირებულების მკაფიო პროექტები, რომლებიც უახლოეს მომავალში იქნება მიმართული სომხეთის ეკონომიკაზე”, – თქვა მან.
ვოლვაჩის თქმით, ინვესტიციები მნიშვნელოვანი წვლილი იქნება რუსეთსა და სომხეთს შორის ეკონომიკური, სოციალური და კულტურული ურთიერთობების განვითარებაში, ხელს შეუწყობს ახალი მაღალტექნოლოგიური სამუშაო ადგილების შექმნას, თანამშრომლობას ეკონომიკაში, კულტურასა და სხვა სფეროებში, ასევე წვლილს შეიტანს ინფრასტრუქტურის განვითარებაში.
