სომხური კომპანია დაინტერესებულია ევრაზიის ეკონომიკურ კაშირში სამოქალაქო თვითმფრინავების ერთობლივი წარმოებით. საუბარია დსს „ეჩმიაძინის ინსტრუმენტალურ ქარხანაზე“, რომელიც ერთადერთი კომპანიაა სომხეთში, რომელმაც განაცხადი წარადგინა აღნიშნულ ეაეკის პროგრამაში მონაწილეობის მისაღებად.
სომხური კომპანიის გარდა პროგრამით ამჟამად 80-მდე ეაეკის კომპანიაა დაინტერესებული. სია არ არის საბოლოო. ის ყველასთვის ღიაა.
პროგრამა განიხილეს და დამტკიცდა ევრაზიის ეკონომიკური კომისიის 9 ნოემბრის სხდომაზე. ამრიგად, ევრაზიის ეკონომიკური კავშირის წევრ ქვეყნებს შესთავაზეს თანამშრომლობა სამოქალაქო ავიაციის ინდუსტრიის სფეროში.
„ეს დოკუმენტი შეიძლება კატალიზატორი გახდეს ერთობლივი თანამშრომლობის პროექტების განხორციელებისთვის, ასევე წვლილი შეიტანოს კავშირში ფასიანი ქაღალდების შექმნაში“, – ევრაზიის ეკონომიკური კომისიის სხდომაზე განაცხადა მრეწველობისა და აგროინდუსტრიული კომპლექსის მინისტრმა არტაკ ქამალიანმა.
პროგრამა ითვალისწინებს საავიაციო აღჭურვილობის, კომპონენტების და მონათესავე პროდუქციის წარმოებას ეაეკ-ის ქვეყნებში იმპორტირებული პროდუქციის ადგილობრივი წარმოებით ჩანაცვლების მიზნით, რითაც უზრუნველყოფილი იქნება ეაეკ-ის ქვეყნების ეკონომიკური და ტექნოლოგიური უსაფრთხოება. კავშირის ქვეყნების მწარმოებლებს სთავაზობენ ჩართვას ინოვაციური, პერსპექტიული მაღალტექნოლოგიური პროდუქტების ერთობლივი წარმოების კოოპერატიულ ქსელებში.
ევრაზიის ეკონომიკურმა კომისიამ დაამტკიცა 2021-2025 წლებში EEU-ის ქვეყნებში სამოქალაქო თვითმფრინავების მშენებლობის სფეროში სამრეწველო თანამშრომლობის გაფართოების პროგრამის საგზაო რუკა. ის მხარეებს შეთანხმებისთვის უახლოეს მომავალში გადაეგზავნება.
